Pampas

Pampas
Ekostreek
WWF-kode	NT0806
Lande	Argentinië,  Brasilië en  Uruguay
Bioom	subtropiese droë graslandskap
Floraryk	Neotropies
Oppervlakte	1 200 000  km²
Beskerm	%
Die Pampas in Argentinië
Portaal    Biologie

Die Pampas is 'n groot plat, oop subtropiese graslandskap in Suidoos-Suid-Amerika met 'n oppervlakte van sowat 1 200 000 km². Dit beslaan die ooste van Argentinië, die hele Uruguay en 'n klein deel in die uiterste suide van Brasilië. Die Pampas streek oor 'n wye boog om die Río de la Plata en bestaan uit die redelik plat Pampas suid van die Río de la Plata en die heuwelagtige Campo met woudeilande in die noorde. Die Pampas word in die noorde deur die Atlantiese Woud en die Gran Chaco, in die weste deur die Pampas-berge en die Cuyo-streek en in die suide deur Patagonië begrens. Van die grootste stede in die Pampas sluit in die Argentynse hoofstad Buenos Aires en die Uruguaanse hoofstad Montevideo. La Plata, Mar del Plata en Rosario is ander groot stede in die Argentynse Pampas.

Kaart van die Pampas

Beide die woord "Pampas" (uit die inheemse Quechua-taal) en die woord "Campo" (uit Portugees en Spaans) beteken "boomlose vlakte" of "veld". In die omgangstaal verwys die woord Pampas oor die algemeen na die dorre, byna onbewoonde hoë plato's van Patagonië en is in dié sin vergelykbaar met die Australiese outback, die Nieu-Seelandse High Country die Suid-Afrikaanse Hoëveld.

Bekende voorbeelde van die Pampas se natuurlewe sluit in die pampashert (Ozotoceros bezoarticus) en die pampasgras (Cortaderia selloana). Ook die Argentynse rugbyspan Pampas XV is na die Pampas genoem.

Eksterne skakels

• Wikimedia Commons het meer media in die kategorie Pampas.
• (en) Toerisme-inligting oor Pampas op Wikivoyage
• (en) "the Pampas". Encyclopædia Britannica. Besoek op 28 Desember 2025.