Paolo Maldini
 Maldini in 2008 | |||
| Persoonlike inligting | |||
|---|---|---|---|
| Geboortedatum | 26 Junie 1968[1] | ||
| Geboorteplek | Milaan, Italië | ||
| Lengte | 1,86 m[2][3][4] | ||
| Speelposisie | Linkervleuelverdediger, middelverdediger | ||
| Jeugloopbaan | |||
| 1978–1984 | AC Milan | ||
| Seniorloopbaan* | |||
| Jare | Span | Kere† | (Doele)† |
| 1984–2009 | AC Milan | 647 | (29) |
| Nasionale span | |||
| 1986–1988 | Italië o/21 | 12 | (5) |
| 1988–2002 | Italië | 126 | (7) |
| * Kere vir seniorklub uitgedraf en doele is net vir die plaaslike liga.. † Kere uitgedraf (Doele). | |||
Paolo Cesare Maldini (gebore 26 Junie 1968) is ’n Italiaanse sokkerbestuurder en voormalige professionele sokkerspeler wat as ’n linkervleuelverdediger of as ’n middelverdediger vir AC Milan en die Italiaanse nasionale span gespeel het. Hy word wyd beskou as een van die grootste verdedigers van alle tye.[5][6] As kaptein van Milan en Italië vir baie jare het hy die bynaam “Il Capitano” gekry. Maldini het die rekord vir wedstryd-optredes in Serie A (647) gehou totdat hy in 2020 deur Gianluigi Buffon verbygesteek is. Hy deel ook die rekord vir meeste Europese Beker/Kampioeneliga-eindstryd-verskynings (8) saam met Paco Gento.[7][8] Van 2018 tot 2023 het hy by AC Milan as sportdirekteur gewerk en hy is ’n mede-eienaar van die USL-Championship-klub Miami FC.
Maldini het al 25 seisoene van sy spelersloopbaan in Serie A by Milan deurgebring en in 2009 op die ouderdom van 41 afgetree. Hy het 26 trofeë met Milan gewen: die Europese Beker/UEFA Champions League vyf keer, sewe Serie A-titels, een Coppa Italia, vyf Supercoppa Italiana-titels, vyf UEFA Superbekers, twee Interkontinentale Bekers en een FIFA-Klubwêreldbeker. Maldini het op die ouderdom van 39 die Beste Verdediger-toekenning by die UEFA Club Football Awards gewen, asook die Serie A Verdediger van die Jaar-toekenning in 2004. Ná sy uittrede het Milan sy nommer 3-trui uit diens gestel.
Maldini het in 1988 sy debuut vir Italië gemaak en vir 14 jaar gespeel voordat hy in 2002 afgetree het met 7 doele en 126 caps. Hy het die rekord vir meeste wedstryd-optredes vir Italië gehou totdat hy deur Fabio Cannavaro en Gianluigi Buffon verbygesteek is. Maldini was vir agt jaar Italië se kaptein en het die rekord vir meeste verskynings as Italië se kaptein (75) gehou totdat hy weer deur Cannavaro en Buffon oortref is.[9] Met Italië het Maldini aan vier FIFA-Wêreldbekers en drie Europeese Kampioenskappe deelgeneem. Hoewel hy nooit ’n toernooi gewen het nie, het hy die eindstryd van die 1994-Wêreldbeker en Euro 2000, asook die halfeindstryd van die 1990-Wêreldbeker en Euro 1988 bereik. Hy is in die sterre-span vir al hierdie toernooie opgeneem.
Maldini het in 1995 tweede geëindig agter George Weah in die stemming vir FIFA-Wêreldspeler van die Jaar. Hy het ook derde geëindig in die Ballon d’Or-ranglys in 1994 en 2003.[10] In 2002 is hy in die FIFA-Wêreldbeker-Droomspan opgeneem. In 2004 het Pelé hom op die FIFA 100-lys van die wêreld se grootste lewende spelers geplaas.[11] Hy is 21ste gerangskik in World Soccer-tydskrif se lys van die 100 grootste spelers van die 20ste eeu.[12] Hy is ook in die Ballon d’Or-Droomspan van 2020 ingesluit. Maldini het die rekord vir meeste verskynings in UEFA-klubkompetisies gehou, met 174, totdat hy in 2017 deur Iker Casillas verbygegaan is.[13] Hy hou die rekord vir meeste verskynings vir Milan (902) en is een van die min spelers wat meer as 1 000 professionele wedstryde in sy loopbaan gespeel het.[14][15] In Desember 2012 is hy in die Italiaanse Sokker-Eregalery opgeneem[16]
Verwysings
[wysig | wysig bron]- ↑ "Paolo Maldini". 11v11.com. AFS Enterprises. Geargiveer vanaf die oorspronklike op 25 Januarie 2021. Besoek op 11 Desember 2020.
- ↑ "Paolo Maldini". www.acmilan.com. Geargiveer vanaf die oorspronklike op 12 Februarie 2005. Besoek op 11 Januarie 2022.
- ↑ "Paolo Maldini: Milan - Campionato di Serie A". La Gazzetta dello Sport (in Italiaans). c. 2008. Geargiveer vanaf die oorspronklike op 18 Desember 2008. Besoek op 27 Februarie 2019.
- ↑ "Paolo Maldini: Player Profile". Sky Sports. Geargiveer vanaf die oorspronklike op 5 Augustus 2019. Besoek op 6 Julie 2022.
- ↑ "Legend of Calcio: Paolo Maldini". Forza Italian Football. 28 Julie 2011. Geargiveer vanaf die oorspronklike op 29 Oktober 2019. Besoek op 22 Desember 2013.
- ↑ Jones, Ben (22 Junie 2013). "Football's One Club Men: Paolo Maldini". The Football History Boys. Geargiveer vanaf die oorspronklike op 23 Mei 2014. Besoek op 12 Desember 2015.
- ↑ "Champions League final records and statistics | UEFA Champions League". 31 Mei 2023. Geargiveer vanaf die oorspronklike op 29 Junie 2023. Besoek op 3 November 2023.
- ↑ "Italy – All-Time Most Matches Played in Serie A". RSSSF. Geargiveer vanaf die oorspronklike op 14 Julie 2022. Besoek op 24 Julie 2014.
- ↑ "All'Adriatico la festa Azzurra con i 4 Campioni over 100 presenze" (in Italiaans). FIGC. Geargiveer vanaf die oorspronklike op 22 Desember 2015. Besoek op 24 Julie 2014.
- ↑ "A Nedved il Pallone d'Oro 2003". Il Corriere della Sera (in Italiaans). 12 Desember 2003. Geargiveer vanaf die oorspronklike op 15 Februarie 2004. Besoek op 24 Julie 2014.
- ↑ "Pele's list of the greatest". BBC Sport. 4 Maart 2004. Geargiveer vanaf die oorspronklike op 19 Oktober 2018. Besoek op 15 Junie 2013.
- ↑ "World Soccer 100 Players of the Century". Geargiveer vanaf die oorspronklike op 4 April 2021. Besoek op 25 Julie 2014.
- ↑ "Records et chiffres" (in Frans). FIFA. Geargiveer vanaf die oorspronklike op 29 Julie 2014. Besoek op 24 Julie 2014.
- ↑ Taylor, Louise (23 Maart 2017). "Gianluigi Buffon's 1,000th career game is testament to a beacon of stability". The Guardian. Geargiveer vanaf die oorspronklike op 7 Julie 2018. Besoek op 24 Maart 2017.
- ↑ Horncastle, James (23 Maart 2017). "Gianluigi Buffon is far from finished after 1,000 games between the posts". ESPN FC. Geargiveer vanaf die oorspronklike op 17 Mei 2020. Besoek op 24 Maart 2017.
- ↑ "2012 Italian Football Hall of Fame Inductees". FIGC. Geargiveer vanaf die oorspronklike op 6 Oktober 2014. Besoek op 24 Julie 2014.
