Papierkannetjie

in Wikipedia, die vrye ensiklopedie
Jump to navigation Jump to search

Papierkannetjie
Conophytum burgeri in cultivation 1.jpg
Wetenskaplike klassifikasie
Koninkryk:
Divisie:
Klas:
Orde:
Familie:
Genus:
Spesie:
C. burgeri
Binomiale naam
Conophytum burgeri
L.Bolus

Die papierkannetjie (Conophytum burgeri L.Bolus) is 'n knopie wat net naby Aggeneys in die noordelike Boesmanland aangetref word. Die wetenskaplike naam burgeri verwys na die familie Burger wat die kwartsietvlakte naby Aggenys besit het waar hierdie knopie aangetref is. Hierdie grond is nou die besit van die Black Mountain-mynboubedryf, maar hulle beskerm die plek waar dit voorkom. Hierdie deel van die sukkulente Karoo is die enigste plek waar dit aangetref is.[1]

Hierdie knopie is 'n dwergplantjie met 'n besondere vorm wat dit, teen die kwartsietagtergrond waar dit voorkom, uiters moeilik maak om te vind. Dit word net 2 cm hoog en 4,5 cm in deursnee en het die vorm van 'n eier. Dit is eintlik twee vergroeide dik blare. Dit kan groen van kleur wees, maar ook rooierig soos robyn, maar dit is dikwels oortrek met 'n papieragtige omhulsel wat eintlik die uitgedroogde reste van die vorige seisoen se blare is. Hierdie bedekking maak die plantjie nie net moeilik om te vind nie, maar die omhulsel is ook 'n beskerming teen die son. Onder die papierjassie is die plantjie halfdeurskynend, wat die son se gefilterde lig dieper in die plant laat deurdring, om daar fotosintese moontlik te maak. Die vorm van die plant is rond om vogverlies te beperk. In April kry die plantjie 'n enkel blommetjie wat helderpienk van kleur is en met sy heuninggeur bye en ander insekte lok. [2]

Galery[wysig | wysig bron]

Verwysings[wysig | wysig bron]