Paraguaanse Oorlog

Paraguaanse Oorlog
Tonele van die Paraguaanse Oorlog.
Datum 13 November 1864 – 1 Maart 1870 Ligging Argentinië, Brasilië en Paraguay Resultaat Geallieerde oorwinning Einde van die Verdrag oor die Drievoudige Alliansie Loizaga-Cotegipe-verdrag tussen Brasilië en Paraguay Machaín-Irigoyen-verdrag tussen Argentinië en Paraguay Vrye seevaart in die Río de la Plata Geallieerde besetting van Paraguay Gebieds- veranderinge Paraguay het uiteindelik sy aanspraak op byna 40% van sy vooroorlogse opgeëisde gebied verloor. Brasilië het uiteindelik beheer oor die omstrede gebiede noord van die Apa-rivier verkry, nou deel van die deelstaat Mato Grosso do Sul. Argentinië het uiteindelik beheer oor die omstrede Misiones-provinsie en al die betwiste lande suid van die Río Pilcomayo verkry, nou die Formosa-provinsie.
Strydende partye
Drievoudige Alliansie  Argentinië  Brasilië  Uruguay	Paraguay
Aanvoerders
Pedro II van Brasilië Hertog van Caxias Hertog van Eu Markgraaf van Tamandaré Burggraaf van Inhaúma Markgraaf van Herval Hertog van Porto Alegre Polidoro Jordão Bartolomé Mitre Domingo F. Sarmiento Juan Gelly y Obes Wenceslao Paunero Venancio Flores (†) Lorenzo Batlle y Grau Enrique Castro	F. Solano López (†) Domingo F. Sánchez (†) José E. Díaz (†) Ignacio Meza (†) Elizardo Aquino (†) Wenceslao Robles (†) Vicente Barrios (†) José M. Bruguez (†) B. Caballero F. I. Resquín A. Estigarribia Pedro Duarte George Thompson
Sterkte
~139 000 ~30 000 5 583 Totaal: ~175 000	300 000
Ongevalle en verliese
50 000 soldate 50 000 burgerlikes 18 000 soldate 13 000 burgerlikes 10 000 soldate Totaal: onbekend, tussen 50 000–200 000	Onbekend, waarskynlik 175 000–300 000 soldate en burgerlikes
Totaal: 150 000–500 000 ongevalle

Die Paraguaanse Oorlog (Guaraní: Paraguái Ñorairõ; Portugees: Guerra do Paraguai; Spaans: Guerra del Paraguay), ook genoem die Oorlog van die Drievoudige Alliansie (Guaraní: Ñorairõ Triple Alianza Rehegua; Portugees: Guerra da Tríplice Aliança; Spaans: Guerra de la Triple Alianza), was 'n Suid-Amerikaanse oorlog wat van 1864 tot 1870 gewoed het. In dié gewapende stryd het Paraguay teen die Drievoudige Alliansie bestaande uit Argentinië, Brasilië en Uruguay geveg. Dit was die bloedigste oorlog in die Latyns-Amerikaanse geskiedenis ooit wat tussen lande geveg is. Paraguay het groot ongevalle gely, maar die presiese getalle is omstrede. Paraguay is gedwing om omstrede gebiede aan Argentinië en Brasilië af te staan. Die oorlog het in laat 1864 uitgebreek as gevolg van die konflik tussen Paraguay en Brasilië wat veroorsaak is deur die Uruguaanse Oorlog. In 1865 het Argentinië en Uruguay die oorlog teen Paraguay toegetree, waarna dit die "Oorlog van die Drievoudige Alliansie" genoem is.

Die Río de la Plata-streek in 1864 met omstrede gebiede

Gebiedsveranderinge ná die Paraguaanse Oorlog

Nadat Paraguay op die slagveld verslaan is, het dit 'n uitgerekte guerrilla-weerstand gevoer, 'n strategie wat gelei het tot verdere vernietiging van die Paraguaaanse weermag en die burgerlike bevolking. Die meeste van die bevolking is dood weens veldslae, honger en siektes. Die guerrilla-oorlog het vir 14 maande gevoed totdat president Francisco Solano López deur Brasiliaanse magte in die Slag van Cerro Corá op 1 Maart 1870 gedood is. Paraguay is tot in 1876 deur Argentynse en Brasiliaanse troepe beset. Saam met die Chaco-oorlog (1932–1935) was dit een van twee oorloë waarna Paraguay se grense vasgelê is, in die latere oorlog ten gunste van Paraguay.

Bronnelys

• (en) "War of the Triple Alliance". Encyclopædia Britannica. Besoek op 20 Desember 2025.

Eksterne skakels

• Wikimedia Commons het meer media in die kategorie Paraguaanse Oorlog.