Paraguaanse Rugbyunie
| Paraguaanse Rugbyunie | |
|---|---|
 Kenteken van die Paraguaanse Rugbyunie | |
| Spaanse naam | Unión de Rugby del Paraguay |
| Afkorting | URP |
| Land |  Paraguay |
| Sportsoorte | Rugby, Sewesrugby |
| Stigting | 1970 |
| Lid van | Wêreldrugby |
| Aangesluit in | 1989 |
| Vastelandse beheerliggaam | Suid-Amerika Rugby |
| President | Gustavo Borgognon Montero |
| Setel | Luque, Paraguay |
| Amptelike taal | Spaans |
| Amptelike webwerf | urp.org.py |
Die Paraguaanse Rugbyunie (Spaans: Unión de Rugby del Paraguay, afgekort “URP”) is die bestuursliggaam wat rugby en sewesrugby in Paraguay beheer. Die beheerliggaam is in 1970 gestig en in Luque gesetel. Sedert 1989 verteenwoordig dit Paraguay by Wêreldrugby en sedert 1988 ook by Suid-Amerika Rugby (“SAR”).
Geskiedenis
[wysig | wysig bron]Die Paraguaanse Rugbyunie is in 1970 gestig en het in 1989 ’n volle lid van die Internasionale Rugbyvoetbalraad (IRVR; nou Wêreldrugby) geword.[1] Daarbenewens was die Paraguaanse beheerliggaam in 1988 ’n stigtingslid van CONSUR (nou Suid-Amerika Rugby).[2]
Taak
[wysig | wysig bron]Die Paraguaanse Rugbyunie organiseer verskeie nasionale spanne, insluitend Paraguay se nasionale seniorrugbyspan vir mans (die Yacarés), vroue en jeug. Die URP hou ook toesig oor sewesrugby in Paraguay en aangesien dit ’n Olimpiese sportsoort is, werk hulle met die Paraguaanse Nasionale Olimpiese Komitee saam. Naas die amptelike nasionale span roep die Paraguaanse Rugbyunie ook ander keurspanne byeen. Daarbenewens bestuur die beheerliggaam kinder- en jeugrugby in Paraguay. Kinders en jongmense word reeds op skool aan rugby bekend gestel en na gelang van hul belangstelling en talent begin hulle met hul afrigting. Net soos ander rugbylande beskik Paraguay oor ’n o/20-nasionale span wat aan die Wêreldrugby o/20-kampioenskap deelneem.[3] Die Paraguay Sevens is die Paraguaanse sewesrugbyspan en hulle neem aan internasionale toernooie soos Wêreldrugby se Sewesreeks, Sewesrugbywêreldbeker en Olimpiese Somerspele deel.
Die beheerliggaam reël ook die plaaslike kompetisies. Die hoogste rugbyliga in die land is die Campeonato Paraguayo de Rugby wat in 1970 gestig is en tans deur nege klubspanne beslis word. In die verlede het die meeste spelers van die Paraguaanse nasionale span in dié amateurliga gespeel. Sedert 2020 draf die meeste Paraguaanse spelers egter uit vir die keurspan Yacaré wat aan die professionele Superrugby Amerikas deelneem. Hieraan neem ook spanne uit Argentinië, Brasilië, Chili, Uruguay en die Verenigde State deel.[4] Van die ander spelers is veral op professionele vlak in Europa aktief.
Kenteken
[wysig | wysig bron]Die Paraguaanse Rugbyunie se kenteken toon ’n Paraguaanse kaaiman (Caiman yacare) in die nasionale kleure rooi, wit en blou met die afkorting URP daaronder. Die nasionale span se bynaam Los Yacarés (“die kaaimanne”) is ontleen aan die Spaanse naam van dié reptiel uit die familie Alligatoridae wat wydverspreid in Suid-Amerika voorkom.
Verwysings
[wysig | wysig bron]- ↑ (en) "Paraguay". Wêreldrugby. Besoek op 26 November 2025.
- ↑ (es) "Historia". Suid-Amerika Rugby. 2021. Besoek op 26 November 2025.
- ↑ (en) "World Rugby U20 Championship". Wêreldrugby. Besoek op 26 November 2025.
- ↑ (en) "Super Rugby Americas kicks off in Argentina". Wêreldrugby. 17 Februarie 2023. Besoek op 26 November 2025.
Eksterne skakels
[wysig | wysig bron]Nasionale Rugbyunies van Wêreldrugby | ||
|---|---|---|
| Afrika | Algerië • Benin • Botswana • Burkina Faso • Burundi • Demokratiese Republiek die Kongo • Egipte • Eswatini • Gaboen • Ghana • Guinee • Ivoorkus • Kameroen • Kenia • Lesotho • Madagaskar • Malawi • Mali • Marokko • Mauritius • Namibië • Niger • Nigerië • Republiek die Kongo • Rwanda • Senegal • Sentraal-Afrikaanse Republiek • Seychelle • Suid-Afrika • Tanzanië • Togo • Tsjad • Tunisië • Uganda • Zambië • Zimbabwe |  |
| Asië | Afghanistan • Bahrein • Bangladesj • Broenei • Filippyne • Guam • Hongkong • Indië • Indonesië • Irak • Iran • Japan • Jordanië • Kambodja • Kasakstan • Katar • Kirgisië • Korea • Laos • Libanon • Macau • Maleisië • Mongolië • Nepal • Oesbekistan • Oman • Pakistan • Palestina • Republiek China • Saoedi-Arabië • Singapoer • Sirië • Sri Lanka • Thailand • Verenigde Arabiese Emirate • Volksrepubliek China | |
| Europa | Andorra • Belarus • België • Bosnië en Herzegowina • Bulgarye • Denemarke • Duitsland • Engeland • Estland • Finland • Frankryk • Georgië • Hongarye • Ierland • Israel • Italië • Kosovo • Kroasië • Letland • Liechtenstein • Litaue • Luxemburg • Malta • Moldowa • Monaco • Montenegro • Nederland • Noorweë • Oekraïne • Oostenryk • Pole • Portugal • Roemenië • Rusland • San Marino • Serwië • Siprus • Skotland • Slowakye • Slowenië • Spanje • Swede • Switserland • Tsjeggië • Turkye • Wallis • Ysland | |
| Noord-Amerika | Bahamas • Barbados • Belize • Bermuda • Britse Maagde-eilande • Curaçao • Dominikaanse Republiek • Frans-Guyana • Guadeloupe • Guyana • Jamaika • Kaaimanseilande • Kanada • Kuba • Martinique • Meksiko • St. Lucia • St. Vincent en die Grenadine • Trinidad en Tobago • Turks- en Caicoseilande • Verenigde State | |
| Oseanië | Amerikaans-Samoa • Australië • Cookeilande • Fidji • Kiribati • Nauru • Nieu-Kaledonië • Nieu-Seeland • Niue • Papoea-Nieu-Guinee • Salomonseilande • Samoa • Tahiti • Tonga • Tuvalu • Vanuatu • Wallis en Futuna | |
| Suid-Amerika | Argentinië • Bolivië • Brasilië • Chili • Colombia • Costa Rica • Ecuador • El Salvador • Guatemala • Honduras • Nicaragua • Panama • Paraguay • Peru • Uruguay • Venezuela | |
Vetdruk dui op vlak-een-lede en skuinsdruk op vlak-twee- en vlak-drie-lede met rugbywêreldbekerervaring | ||
