Parc y Scarlets
| Parc y Scarlets | ||
| ||
Parc y Scarlets
| ||
| Ligging | Pemberton, Llanelli, Wallis | |
|---|---|---|
| Koördinate | 51°40′45″N 4°07′45″W / 51.67917°N 4.12917°WKoördinate: 51°40′45″N 4°07′45″W / 51.67917°N 4.12917°W | |
| Eienaar | Carmarthenshire Graafskapsraad | |
| Operateur | Llanelli RVK/Carmarthenshire Graafskapsraad | |
| Kapasiteit | 14 870[1] | |
| Oppervlak | Gras | |
| Konstruksie | ||
| Geopen | 15 November 2008[2] | |
| Boukoste | £23 miljoen[3] | |
| Argitek | Miller Partnership | |
| Huurders | ||
| Scarlets Llanelli RVK | ||
Parc y Scarlets ((af) Scarletspark) is ’n rugbystadion in Llanelli, Carmarthenshire. Die stadion is in 2008 geopen as die nuwe tuisveld van die Scarlets en Llanelli RVK. Die stadion het Stradey Park, wat vir meer as 130 jaar die tuiste van Llanelli se rugbyspanne was, vervang. Die stadionkompleks sluit fasiliteite in vir ondersteuners tydens wedstryde, asook geriewe vir wanneer daar nie wedstryde is nie. Dit sluit ’n oefenskuur, oefenveld en atletiekbaan in.[1] Die stadion is dikwels gasheer vir wedstryde van die Walliese nasionale o/21-span, die nasionale sokkerspan en Llanelli A.F.C. (sokker) se wedstryde in Europese kompetisies. Gedurende die 2011-’12-seisoen het Swansea City A.F.C.-reserwespan al hul tuiswedstryde alhier gespeel.
Ontwerp en konstruksie[wysig | wysig bron]
Die stadion is op ’n terrein gebou wat deur Carmerthensire Graafskapsraad besit word, deur Andrew Scott Beperk wat in Port Talbot gebaseer is. Dit is langs ’n nuwe handelsentrum geleë.[1] Die stadion is deur The Miller Partnership ontwerp wat spesialiseer in sportstadions. Hulle het ook Murrayfield-stadion in Edinburgh ontwerp. Strukturele staal vir die ontwikkeling is deur Rowecord Ingenieurswerke van Newport verskaf.
Die pawiljoene het ’n effense kromming wat ’n beter uitsig lewer. Die stadion se hoofpawiljoen aan die suidekant van die veld bevat die klub se winkel en museum, die loket, ’n groot sportkroeg (genaamd “The Heart and Soul”[4] en die spelers se gimnasium op die grondverdieping, met eet- en drinkareas op die boonste verdiepings.[3]
Die stadion was aanvanklik bekend as “Pembertonstadion”; die stadion se amptelike naam – Parc y Scarlets – is op 20 Mei 2008 aangekondig. Die nadering tot die hoofpawiljoen is bekend as die “Ray Gravell-legendesloopvlak” en is geplavei met stene wat die naam dra van elke Llanelli RVK- en 'n Scarlets-speler wat vir Wallis gespeel het. ’n Standbeeld van Ray Gravell is buite die stadion opgerig, [4] terwyl ander legendariese spelers van Llanelli vereer is in ander fasiliteite in die stadion. Die museum staan bekend as die “Ken Jones-museum” terwyl verskeie bestuurslosies na Carwyn James, Phil Bennett en die Quinell-gesin vernoem is.[4]
Opening[wysig | wysig bron]
Parc y Scarlets is amptelik op 15 November 2008 geopen toe Llanelli RVK hul eerste wedstryd in die stadion teen Cardiff RVK in die Principality-premierskap gespeel het en met 32-3 gewen het. Die wedstryd is voor ’n skare gespeel wat tot 4 000 beperk is weens regulasies wat vereis dat ’n stadion die gebeure moet aanbied met ’n beperkte getal toeskouers alvorens dit vir gebruik met volle kapasiteit goedgekeur kan word. Die Scarlets se eerste wedstryd op Parc y Scarlets was op 28 November 2008 teen Munster in die Keltiese Liga voor ’n toeskouertal van 9 000. Die Scarlets se eerste wedstryd in die Heinekenbeker in die stadion was op 12 Desember 2008 teen Ulster voor 11 000 mense. Die amptelike openingseremonie is op 31 Januarie 2009 gehou toe Scarlets teen die Barbarians gespeel het en met 40-24 gewen het.[5]
Sokker[wysig | wysig bron]
Buiten dat die stadion die tuisveld van die Scarlets is, het Parc y Scarlets drie internasionale vriendskaplike sokkerwedstryde van die Walliese span aangebied, teen Estland in 2009, Luxemburg in 2010 en Bosnië-Herzegowina in 2012. Dit was ook die tuisveld van Llanelli A.F.C. toe die fasiliteite by hulle Stebonheath Park as onvoldoende geag is vir wedstryde in Europese kompetisies. Die tweede been van hul 2009-’10 UEFA Europese Liga-kwalifiseerder teen Motherwell en die eerste been van hulle 2011-’12 UEFA Europese Liga-kwalifiseerder teen Dinamo Tbilisi is op Parc y Scarlets gespeel omdat Stebonheath Park nie aan UEFA se kriteria voldoen het nie.
Galery[wysig | wysig bron]
-
Aanbou 7 April 2008 -
Aanbou 12 Mei 2008 -
Aanbou 12 Mei 2008 -
Aanbou 13 September 2008 -
Stadion se buitekant
Verwysings[wysig | wysig bron]
- ↑ 1,0 1,1 1,2 "Parc y Scarlets gaan open" (in Engels). Scarlets. 12 November 2008. Geargiveer vanaf die oorspronklike op 30 Januarie 2009. Besoek op 16 November 2008.
- ↑ http://stadiumdb.com/stadiums/wal/parc_y_scarlets
- ↑ 3,0 3,1 "Scarlets-stadion bouwerk begin" (in Engels). BBC News. 7 April 2008. Geargiveer vanaf die oorspronklike op 11 April 2008. Besoek op 21 Mei 2008.
- ↑ 4,0 4,1 4,2 "Scarlets onthul naam van nuwe stadion". Llanelli Scarlets. 20 Mei 2008. Besoek op 21 Mei 2008. [dooie skakel]
- ↑ "Jong sterre te sterk vir Baa-Baas". Scarlets. 31 Januarie 2009. Besoek op 1 Februarie 2009. [dooie skakel]
Eksterne skakels[wysig | wysig bron]
Wikimedia Commons het meer media in die kategorie Parc y Scarlets.
