Parsiële molêre grootheid

in Wikipedia, die vrye ensiklopedie
Die parsiële volume in 'n mengsel wat volumesametrekking ondergaan. Die boonste sippellyn dui die mengsel se volume sonder sametrekking aan

Parsiële molêre groothede is groothede in die termodinamika en veral die chemiese termodinamika wat dit moontlik maak om 'n homogene mengsel (oplossing) te beskryf.

Mengsels se volume[wysig | wysig bron]

Byvoorbeeld, vir 'n verandering van die volume V wanneer twee komponente gemeng word tot 'n homogene mengsel kan ons skryf:

Die grootheid V1 word die parsiële molêre volume genoem.

Vir die suiwere komponente is die parsiële molêre volume gelyk aan die molêre volume, maar in die meeste mengsels tree sametrekking of uitsetting op. Dit veroorsaak 'n verskil en volumes kan nie sommer opgetel word nie. Die verskille is afhanklik van die aard van die komponente, hulle konsentrasies en ook van die temperatuur en die druk. Parsiële molêre volumes kan selfs negatief wees. Die verskille is by lae konsentrasie nogtans klein genoeg dat hulle dikwels verwaarloos word.

Reaksiemengsels[wysig | wysig bron]

Indien in die mengsel 'n reaksie optree word dit ingewikkelder. Die komponente in reaksiemengsels moet gesien word as oop termodinamiese stelsels, omrede daar massas verdwyn (die reagens) en ontstaan (die produk). Dit wil sê dat die veranderings van toestandsfunksies, soos U, H, S, V en G met die massas (of aantal mole) van die komponente in rekening gebring moet word. Dit word gedoen deur parsiële differensiasie.[1]

'n Parsiële molêre grootheid wat baie gebruik word om reaksies te beskryf is die parsiële molêre vrye entalpie, wat ook die chemiese potensiaal genoem word.

Verwysings[wysig | wysig bron]

  1. Keith Laidler, Joh Meiser, Bryan Sanctuary Physical Chemistry, 2003, ISBN 0-618-12341-5, bls 199