Pateet

in Wikipedia, die vrye ensiklopedie
Jump to navigation Jump to search
Pateet
Optrede.JPG
Pateet optrede in Centurion, Suid-Afrika
OorsprongSuid-Afrika
Genre(s)Rock
Aktiewe jare2002–2006
2009-tans
LedeHector Beyers
MJ Swanepoel
Wessel Ludick
Gewese ledeShaun Strydom
Portal.svg Musiekportaal

Pateet is 'n Afrikaanse rock-musiekgroep wat in 2002 in Lichtenburg, Suid-Afrika deur Hector Beyers (baskitaar en stem), M.J. Swanepoel (kitaar en stem) en Wessel Ludick (dromme) gestig is. Die groep het tot en met 2006 saam gespeel, waartydens hulle die Jip Rockspaaider-kompetisie gewen het, 'n album opgeneem het en 'n musiekvideo geskiet het.[1][2] Pateet se lede het in 2009 weer saam begin speel.

Die begin van Pateet (2002)[wysig | wysig bron]

Al drie lede wat Pateet begin het, het eers (gedurende die begin van 2002) in Chemic Gum gespeel saam met Otto Swarts (kitaar). Die groep het by huispartytjies en by die skool opgetree. Chemic Gum het opgebreek en Pateet is in 2002 gevorm. Hector Beyers, M.J. Swanepoel en Wessel Ludick het nou begin Afrikaanse liedjies skryf en voluit 'n Afrikaanse groep begin. Dit is in hierdie dae wat Pateet se bekendste liedjie, Môre omie môre tannie, geskryf is.

Jip Rockspaaider (2003)[wysig | wysig bron]

Pateet het in 2002 al aan die Jip Rockspaaider-kompetisie deelgeneem, maar het in Bloemfontein se semi-finaal uitgeval. Die volgende jaar het Pateet in Pretoria deurgedring tot die finaal van die Rockspaaider-kompetisie. Die finaal was in September 2003 by Aardklop in Potchefstroom gehou. Pateet het deelgeneem teen 8 bands onder andere Trompie is dood (wat later Foto na Dans geword het) en Twenty8. Pateet het die finaal gewen en was die 2003 Jip Rockspaaider-kampioene. Pateet het ook die toekennings vir beste baskitaarspeler en beste kitaarspeler gewen. Pateet het dus 'n album en 'n musiekvideo gewen. Gedurende 2003 het Pateet aanhou optree en deur die Oos-Kaap getoer.

Album en musiekvideo (2004)[wysig | wysig bron]

Aan die begin van 2004 het Pateet hulle eerste album in Pretoria opgeneem. Die album was genaamd Pateet. Die album het 9 liedjies op gehad. Na die album opgeneem was, het Pateet hul musiekvideo vir Môre omie môre tannie geskiet.[3] Die musiekvideo vir Môre omie môre tannie was opgeneem by Hoërskool Lichtenburg. Die video was op kykNET en MK89 uitgesaai. Pateet het aanhou optree deur 2004 by onder andere Aardklop se Oppi-aarde en Carnival city saam met kunstenaars soos Tweak, Karen Zoid, Koos Kombuis en Fokofpolisiekar.[4]

Studentelewe (2005–2008)[wysig | wysig bron]

Pateet se lede het in 2005 na Pretoria getrek en daar begin studeer. Tydens hierdie tydperk het die groep verskeie kere in Gauteng opgetree. Die lede van Pateet het aan die einde van 2006 begin om aan verskeie projekte deel te neem. M.J. het vir verskeie bands kitaar gespeel en 'n belangstelling vir klankingenieurswese onwikkel. M.J. het ook klank vir lewendige optredes gedoen en produksie in musiekateljees gedoen. Hector het by die Universiteit van Pretoria saam met mede-studente in 'n band met die naam “Driewiel” gespeel. Wessel het teologie studeer by die Rhema kerk en het ook in Rhema se band gespeel. Vanaf die einde van 2006 tot en met 2009 was Pateet nie aktief nie.

Hervorming (2009–2010)[wysig | wysig bron]

In 2009 het Pateet weer saam begin oefen en liedjies begin skryf. Aan die einde van 2009 het Pateet amptelik weer hervorm as 'n musiekgroep. Pateet het vanaf Maart 2010 begin optree en hul nuwe liedjies begin speel. In April 2010 het Pateet begin om 'n EP op te neem in Randburg. Volgens beplanning behoort die EP teen die begin van Junie 2010 voltooi te wees. Die liedjies op die EP se titels is onderskeidelik Die Toespraak, Onbeperkte Drome en Breek Mure.

Musiek en albums[wysig | wysig bron]

Pateet (2004)

  1. "Heavy Metal Song"
  2. "Pille"
  3. "Waterbreuk"
  4. "More Omie More Tannie"
  5. "Flieks"
  6. "Met Jou"
  7. "Ouditorium"
  8. "Bly By My"
  9. "Intro"
  10. "Rockster"

Demo (2010)

  1. "Breek Mure"
  2. "Onbeperkte Drome"
  3. "Die Toespraak"

Verwysings[wysig | wysig bron]

Sien ook[wysig | wysig bron]