Patricio Manuel
| Patricio Manuel | |
| |
| Statistiek | |
|---|---|
| Geboortenaam | Patricia Manuel[1] |
| Bynaam(e) | Cacahuate |
| Gewigklas | Superveergewig |
| Geboorte | 22 Julie 1985 Santa Monica, Kalifornië, VSA |
| Boksrekord | |
| Totale gevegte | 1 |
| Oorwinnings | 1 |
Patricio Manuel (as Patricia Manuel gebore op 22 Julie 1985) is 'n Amerikaanse professionele bokser. In 2018 het hy die eerste openlik transgender man in die geskiedenis van die VSA geword wat aan 'n professionele boksgeveg deelneem.[2][3]
Manuel was vyf keer die Amerikaanse vroulike amateurbokskampioen. Hy het in 2012 die laaste keer as 'n vrou in die kryt geklim, teen Tiara Brown. Teen die tyd van sy volgende geveg, in 2018 teen Hugo Aguilar, het hy 'n gendertransisie ondergaan.[4] Hy het die geveg met 'n eenparige beslissing gewen.
Loopbaan[wysig | wysig bron]
Manuel het op 8 Desember 2018 sy professionele debuut as 'n manlike bokser gemaak, in 'n Golden Boy Promotions-geveg in Indio, Kalifornië. Hy het die geveg van vier rondes teen Hugo Aguilar met 'n eenparige besluit gewen; al drie skeidsregters het 'n puntetelling van 39-37 gegee.[5] Aguilar het eers twee dae voor die geveg uitgevind van Manuel se transisie. Hy het gesê; "Dis vir my baie prysenswaardig ... Dit verander vir my niks. In die kryt wil hy wen en ek wil ook wen."[6]
In September 2019 het Manuel die nuwe gesig van Everlast-boksuitrusting geword.[7]
Transisie[wysig | wysig bron]
Hy het as 'n man geïdentifiseer nadat hy vyf keer die nasionale amateurvrouekampioen was en aan die Olimpiese vroue-uitdunne vir die Olimpiese Somerspele van 2012 deelgeneem het. Hy is toe uitgeskakel omdat hy noodgedwonge moes onttrek weens 'n skouerbesering. Hy het in 2013 met sy transisie begin met behulp van hormoonterapie en het in 2014 chirurgie aan sy bolyf ondergaan.[8]
Verwysings[wysig | wysig bron]
- ↑ "Pat Manuel poised to blaze trail as transgender amateur, then pro". The Ring. 3 Desember 2015. Besoek op 30 November 2019.
- ↑ "Transgender fighter wins in historic pro debut". NBC News. Reuters. 10 Desember 2018.
- ↑ Moye, David (10 Desember 2018). "Transgender Boxer Patricio Manuel Wins His First Fight Against Another Man". Huffington Post.
- ↑ Baxter, Kevin (4 Augustus 2017). "The first U.S. boxer to fight as a woman, and then as a man". LA Times.
- ↑ Hohman, Maura (10 Desember 2018). "America's First-Ever Transgender Male Professional Boxer, Patricio Manuel, Wins His Debut Fight". Peoples Magazine.
- ↑ Baxter, Kevin (8 Desember 2018). "Transgender male boxer Patricio Manuel makes history with a win in his pro debut". LA Times.
- ↑ Scipioni, Jade (27 September 2019). "Transgender boxer is now face of iconic boxing brand". NBC News. Besoek op 27 September 2019.
- ↑ Baxter, Kevin (8 Augustus 2017). "The first U.S. boxer to fight as a woman, and then as a man". The Denver Post.
Skakels[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
