Patrick Gallois

in Wikipedia, die vrye ensiklopedie
Jump to navigation Jump to search

Patrick Gallois (gebore in 1956) is 'n Franse fluitspeler en dirigent.

Gallois was in Linselles naby die dorpie Lille in die noorde van Frankryk gebore. Hy het op die ouderdom van sewentien jaar met sy studies by die Paryse Konservatoria begin onder die gevierde fluitspeler Jean-Pierre Rampal en na twee jaar Eerste prys ontvang. Hy het teen die ouderdom van een-en-twintig jaar die prinsipiële fluitspeler van die Orchestre National de France onder Lorin Maazel geword. Hy het van 1977 tot 1984 in die kapasiteit gedien. In 1984 het hy sy pos verlaat vir 'n loopbaan as 'n fluitsolis en later, dirigent.

Gallois het reeds onder verskeie bekende dirigente gespeel, insluitende Leonard Bernstein, Karl Böhm, Pierre Boulez, Sergiu Celibidache, Eugen Jochum, en Seiji Ozawa. Hy neem ook gereeld deel aan samewerkingsgeleenthede wat kamermusiek betref met musikante soos Juri Bashmet, Jörg Demus, Natalia Gutman, die Lindsay Strykkwartet, en Peter Schreier. Hy het vantevore ook saam met Jean-Pierre Rampal en die harpspeelster Lily Laskine opgevoer. Galois het 'n eksklusiewe opname-kontrak met Deutsche Grammophon gehad, en het meer onlangs opnames saam met Naxos gemaak. Sy diskografie sluit 75 opnames in. Hy gee sedert 1999 klas by die Accademia Musicale Chigiana. Gallois was vanaf 2003 tot 2012 die musikale direkteur (hoofdirigent) van die Jyväskylä Sinfonia in Jyväskylä, Finland. Hy het saam met die orkes in Europa en Japan getoer.

Bronne[wysig | wysig bron]

Eksterne skakels[wysig | wysig bron]