Paul Cilliers
Friedrich Paul Cilliers (25 Desember 1956 – 31 Julie 2011) was 'n Suid-Afrikaanse filosoof, kompleksiteitsnavorser, en professor in kompleksiteit en filosofie aan Universiteit Stellenbosch.[1] Hy was bekend vir sy bydraes op die gebied van komplekse stelsels.[2]
Lewe en werk[wysig | wysig bron]
Cilliers het vanaf die middel 1970's tot 1994 aan die Universiteit Stellenbosch gestudeer. Daar ontvang hy sy BA in Elektroniese Ingenieurswese in 1980, sy BA cum laude in Politieke filosofie in 1987, en sy MA cum laude in Filosofie in 1989.[3] Hy ontvang sy PhD in 1994 aan die Universiteit Stellenbosch en Universiteit van Cambridge onder leiding van Johan Degenaar en Mary Hesse.[1]
Cilliers het sy akademiese loopbaan aan die Universiteit Stellenbosch begin, waar hy in 1993 'n dosent in filosofie geword het. Sedert 2003 was hy professor in kompleksiteit en filosofie aan Stellenbosch. In die jaar 2008 was hy Besoekende Professor aan die Universiteit van Humanistiese Studies in Utrecht in Nederland.
In 2006 is Cilliers bekroon met die Harry Oppenheimer Fellowship Award[4] ter erkenning van sy prestasies in die ontwikkeling van 'n algemene begrip van die kenmerke en aard van komplekse sisteme. In 2008 het die Nasionale Navorsingstigting van Suid-Afrika 'n A-gradering aan hom toegeken, en in 2010 is hy verkies tot genoot van die Royal Society of South Africa.[1]
Cilliers se navorsingspesialisasie was oor kompleksiteit, etiese implikasies van kompleksiteitsteorie en wetenskapsfilosofie. In sy boek Complexity and Postmodernism[5] neem hy 'n postmoderne benadering tot kompleksiteit.
Bibliografie[wysig | wysig bron]
Cilliers was die skrywer en mede-outeur van talle publikasies op die gebied van filosofie en kompleksiteitswetenskap.[6]
Geselekteerde boeke:
- 1998. Complexity and Postmodernism. Understanding complex systems. London: Routledge.
- 2007. Thinking Complexity. Paul Cilliers (ed.). Mansfield USA : ISCE Publishing.
- 2009: Complexity, Difference and Identity. An ethical perspective. Paul Cilliers en Rika Allen. (eds.)
Geselekteerde artikels:
- Cilliers, Paul. "Knowledge, complexity, and understanding." Emergence, A Journal of Complexity Issues in Organizations and Management 2.4 (2000): 7-13.
- Cilliers, Paul (2000). "What can we learn from a theory of complexity?" (PDF). Emergence. 2 (1): 23–33. doi:10.1207/S15327000EM0201_03.
- Cilliers, Paul (2001). "Boundaries, hierarchies and networks in complex systems" (PDF). International Journal of Innovation Management. 5 (2): 135–147. doi:10.1142/S1363919601000312.
- Richardson, Kurt A., Paul Cilliers, en Michael Lissack. "Complexity Science." Emergence 3.2 (2001): 6-18.
- Cilliers, Paul. "Complexity, deconstruction and relativism." Theory, Culture & Society 22.5 (2005): 255-267.
- Heylighen, Francis, Paul Cilliers, en Carlos Gershenson. "Complexity and philosophy." arXiv preprint cs/0604072 (2006).
Verwysings[wysig | wysig bron]
- ↑ 1,0 1,1 1,2 "Stellenbosch University mourns passing of top academic". Geargiveer vanaf die oorspronklike op 9 Augustus 2011. Besoek op 18 September 2020.
- ↑ Hofmeyr, Jan-Hendrik (2012). "Friedrich Paul Cilliers: Philosopher (1956–2011)" (PDF). S Afr J Sci (4 uitg.). 3: 108. Geargiveer vanaf die oorspronklike (PDF) op 4 Oktober 2013. Besoek op 18 September 2020.
- ↑ "Cilliers website at the Centre for Studies in Complexity". Geargiveer vanaf die oorspronklike op 22 Junie 2012.
- ↑ Allen, P.; Maguire, S.; McKelvey, B. (2011). The SAGE Handbook of Complexity and Management. SAGE Publications. p. xi. ISBN 978-1-4462-0974-5. Besoek op 18 September 2020.
- ↑ Cilliers, Paul. Complexity and Postmodernism. ISBN 0415152879.
- ↑ Paul Cilliers at Google Scholar.com.
