Paul Heinrich Gerhard Möhring

in Wikipedia, die vrye ensiklopedie
'Paul Heinrich Gerhard Möhring'
P. H. G. Möhring

Gebore 21 Julie 1710
Jever
Oorlede 28 Oktober 1792
Nasionaliteit Duits
Vakgebied Dokter, plantkunde, dierkunde
Instelling(s) Sy tuisdorp Jever
Alma mater Danzig en Wittenberg
Bekend vir Sy boek Avium Genera, 'n vroeë poging om voëlspesies te klassifiseer.

Paul Heinrich Gerhard Möhring, ook bekend as Paul Mohr, (21 Julie 1710, Jever - 28 Oktober 1792) was 'n Duitse dokter, plantkundige en dierkundige.

Hy het mediese wetenskappe gestudeer in Danzig en Wittenberg, en na graduering in 1733 het hy hom as algemene praktisyn in sy tuisdorp Jever gevestig. Möhring was 'n dokter vir die Prins van Anhalt. In 1752 publiseer hy Avium Genera, 'n vroeë poging om voëlspesies te klassifiseer, wat voëls in vier klasse verdeel en die begin van die moderne groeperings toon.

Gedurende sy lang loopbaan het hy korrespondensie behou met Albrecht von Haller, Lorenz Heister, Carl Linnaeus, Hans Sloane en Paul Gottlieb Werlhof. Die plant genus Moehringia (familie Caryophyllaceae) is deur Carl Linnaeus tot sy eer na hom vernoem. [1]

Die standaard outeursafkorting Möhring word gebruik om hierdie persoon as die skrywer aan te dui wanneer 'n botaniese naam aangehaal word.

Belangrikste werke[wysig | wysig bron]

  • "De inflammationis sanguineae theoria mechanica", 1733.
  • "Historiae medicinales", 1739.
  • "Avium genera", 1752.
  • Geslachten der Vogelen 1758.[2]

Sien ook[wysig | wysig bron]

Eksterne Skakels[wysig | wysig bron]

  • IPNI List of plants described by Paul Möhring.

Verwysings[wysig | wysig bron]

  1. ADB:Möhring, Paul Heinrich Gerhard @ Allgemeine Deutsche Biographie
  2. WorldCat Identities Publications by Möhring.