Paul Pogba
_-_Paul_Pogba_(cropped_2).jpg) Pogba by die Wêreldbeker in 2018 | |||
| Persoonlike inligting | |||
|---|---|---|---|
| Geboortenaam | Paul Labile Pogba[1] | ||
| Geboortedatum | 15 Maart 1993 | ||
| Geboorteplek | Lagny-sur-Marne, Île-de-France, Frankryk | ||
| Lengte | 1,91 m[2] | ||
| Speelposisie | Middelveldspeler | ||
| Klubinligting | |||
| Huidige klub | Monaco | ||
| Nommer | 8 | ||
| Jeugloopbaan | |||
| 1999–2006 | Roissy-en-Brie | ||
| 2006–2007 | Torcy | ||
| 2007–2009 | Le Havre | ||
| 2009–2011 | Manchester United | ||
| Seniorloopbaan* | |||
| Jare | Span | Kere† | (Doele)† |
| 2011–2012 | Manchester United | 3 | (0) |
| 2012–2016 | Juventus | 124 | (28) |
| 2016–2022 | Manchester United | 154 | (29) |
| 2022–2024 | Juventus | 8 | (0) |
| 2025– | Monaco | 0 | (0) |
| Nasionale span | |||
| 2008–2009 | Frankryk o/16 | 17 | (1) |
| 2010 | Frankryk o/17 | 10 | (2) |
| 2010–2011 | Frankryk o/18 | 6 | (1) |
| 2011–2012 | Frankryk o/19 | 12 | (4) |
| 2012–2013 | Frankryk o/20 | 13 | (4) |
| 2013–2022 | Frankryk | 91 | (11) |
| * Kere vir seniorklub uitgedraf en doele is net vir die plaaslike liga. en korrek soos op 17:03, 19 September 2023 (UTC). † Kere uitgedraf (Doele). | |||
Paul Labile Pogba (gebore 15 Maart 1993) is ’n Franse sokkerspeler (middelveldspeler) van Guinese afkoms wat vir AS Monaco speel. Hy het ook die Franse nasionale span verteenwoordig.
Pogba het sy loopbaan in plaaslike klubbe in Parys begin voordat hy in 2007 na Le Havre verhuis het. Daar het hy twee jaar gespeel voordat hy in 2009 by Manchester United aangesluit het. Op 3 Julie 2012 het United se bestuurder, Sir Alex Ferguson, bevestig dat Pogba nie ’n nuwe kontrak onderteken het nie en het die klub verlaat om by Juventus aan te sluit. Na vier jaar by Juventus het hy in 2016 na Manchester United teruggekeer op ’n vyfjaar-kontrak vir ’n toen rekord-oordragfooi van €105 miljoen (£89,3 miljoen), plus €5 miljoen aan bonusse, waarmee hy die vorige rekordhouer, Gareth Bale, oortref het.[3]
Met Manchester United het hy die EFL-beker in 2017 gewen en ook die Europa League, nadat hy een van die doele teen Ajax in die eindstryd in Stockholm aangeteken het.[4][5]
Op 11 Julie 2022 het Juventus Pogba se terugkeer op ’n vyfjaar-kontrak aangekondig.[6]
Op 11 September 2023 is Pogba voorlopig geskors van speel as gevolg van die mislukking van ’n dwelmtoets, nadat nie-endogene testosteroon in sy toetsuitslae gevind is ná ’n wedstryd teen Udinese op 20 Augustus.[7] Die dwelmtoets is op 6 Oktober 2023 bevestig as ’n mislukking nadat ’n ander monster ook nie-endogene testosteroon bevat het.[8] Op 29 Februarie 2024 het hy ’n vierjaar-skorsing vir doping van die Italiaanse Nasionale Anti-Dopingtribunaal ontvang, met die opsie om appèl aan die Hof van Arbitrasie vir Sport te doen.[9] Op 4 Oktober is die skorsing tot 18 maande verminder.[10]
Op 15 November 2024 het Juventus aangekondig dat hulle en Pogba tot ’n wedersydse ooreenkoms gekom het om sy kontrak te beëindig.[11]
Op 28 Junie 2025 het Pogba ’n kontrak met Monaco onderteken tot 30 Junie 2027.[12]
Pogba het die Franse jeugnasionale spanne op alle vlakke wat hy toegelaat is, verteenwoordig. Hy het in die o/16-, o/17-, o/18- en o/19-spanne gespeel. Hy het Frankryk se A-span by die Europese Sokkerkampioenskap in 2016 verteenwoordig. Twee jaar later het hy wêreldkampioen geword met Frankryk by die Wêreldbeker in Rusland, waar hy een van Frankryk se vier doele in die eindstryd teen Kroasië aangeteken het.[13][14]
Verwysings
[wysig | wysig bron]- ↑ "Updated squads for 2017/18 Premier League confirmed". Premier League. 2 Februarie 2018. Besoek op 15 Februarie 2018.
- ↑ "Paul Pogba: Overview". Premier League. Besoek op 24 Desember 2017.
- ↑ "Official: Pogba signs for Man Utd for €105m". Football Italia. Tiro Media. 8 Augustus 2016. Besoek op 8 Augustus 2016.
- ↑ McNulty, Phil (26 Februarie 2017). "Manchester United 3–2 Southampton". BBC Sport. Besoek op 24 April 2019.
- ↑ McNulty, Phil (24 Mei 2017). "Ajax 0–2 Manchester United". BBC Sport. Besoek op 24 April 2019.
- ↑ "Official {{{{!}}}} Paul Pogba is back!". Juventus FC. 11 Julie 2022. Besoek op 11 Julie 2022.
- ↑ "Paul Pogba: Juventus midfielder provisionally suspended for anti-doping offence". BBC Sport. 11 September 2023.
- ↑ "Pogba's B sample confirms positive drugs test" (in Engels (VK)). BBC Sport. Besoek op 6 Oktober 2023.
- ↑ "Paul Pogba: Juventus midfielder banned for four years after World Cup winner tested positive for doping". Sky Sports. 29 Februarie 2024.
- ↑ "Paul Pogba: Juventus and France midfielder has doping ban reduced to 18 months". BBC Sport (in Engels). 4 Oktober 2024. Besoek op 4 Oktober 2024.
- ↑ "Club Statement | Paul Pogba". Juventus FC. 15 November 2024. Besoek op 15 November 2024.
- ↑ "Paul Pogba to AS Monaco". AS Monaco (in Engels (VSA)). 28 Junie 2025. Besoek op 28 Junie 2025.
- ↑ Watson, Jack (15 Julie 2018). "World Cup final 2018: Paul Pogba happy to prove critics wrong as he makes history with goal as France beat Croatia". The Independent. Geargiveer vanaf die oorspronklike op 25 Mei 2022. Besoek op 16 Julie 2018.
- ↑ McNulty, Phil (15 Julie 2018). "France 4–2 Croatia". BBC Sport. Besoek op 15 Julie 2018.
