Pedro Filho

in Wikipedia, die vrye ensiklopedie
Pedro Filho
Pedro Filho in 1991
Pedro Filho in 1991
Gebore  17 Junie 1954 (1954-06-17) (69 jaar oud)
Oorlede  5 Maart 2023
Land  Brasilië
Bynaam  Pedrinho Matador
(Moordenaar Petey)
Misdaad  Reeks moorde, o.a. sy pa
Misdaadbesonderhede
Datum(s)  Sedert 1968
Slagoffers  71-100+
Vonnisbesonderhede
Vonnisdatum  2003
Vonnis  30+/128 jaar
Vrygelaat  24 April 2007

Pedro Rodrigues Filho (geb. 17 Junie 1954 in Santa Rita do Sapucaí, Brasilië - 5 Maart 2023 in Mogi das Cruzes) was ’n Brasiliaanse reeksmoordenaar wat in 1973 in hegtenis geneem is en in 2003 skuldig bevind is aan die moord op minstens 71 mense. Hy is tot 128 jaar tronkstraf gevonnis, hoewel die maksimum tyd wat ’n persoon in Brasilië in die tronk kan deurbring, 30 jaar is. Filho was ook bekend as Pedrinho Matador (Moordenaar Pietertjie).

Biografie[wysig | wysig bron]

Filho is op ’n plaas gebore met ’n beseerde kopbeen omdat sy pa sy ma tydens haar swangerskap op haar maag geslaan het. Hy het later gesê hy het op 13 jaar die eerste keer die behoefte gekry om te moor. Op 14 het hy die onderburgemeester van Alfenas, Minas Gerais, vermoor omdat hy sy pa, ’n skoolwag, afgedank het ná beskuldigings dat hy die kinders se kos in die kombuis gesteel het. Hy het daarna ’n ander skoolwag, vermoedelik die regte dief, ook vermoor.

Hy het na São Paulo gevlug waar hy ’n reeks inbrake begin en ’n dwelmhandelaar vermoor het. Daar het hy ook Maria Aparecida Olympia ontmoet, saam met wie hy gewoon het totdat sy deur bendelede vermoor is. Filho het ontsnap en verskeie mense gemartel en vermoor om uit te vind wie Maria se moordenaars is.

Op 18 jaar het hy reeds ’n spoor van 10 lyke en verskeie beseerdes agtergelaat. Hy het in dié tyd sy eie pa vermoor wat toe in die plaaslike tronk was omdat hy Filho se ma met ’n byl doodgekap het. Filho het ’n stuk van sy pa se hart uitgesny, dit gekou en weggegooi.

Hy is die eerste keer op 24 Mei 1973 in hegtenis geneem en tronkstraf opgelê. In die tronk het hy 47 medegevangenes vermoor. Hy het later beweer hy het 100 mense doodgemaak. In 2003 is hy aangekla van 71 moorde, onder meer die een op sy pa, en tot 126 jaar tronkstraf gevonnis. Hy kon nie langer as 30 sit nie, maar weens die moorde wat hy in die tronk gepleeg het, is sy vonnis verleng tot meer as 400 jaar. Hy is egter op 24 April 2007 vrygelaat.

Dood[wysig | wysig bron]

Filho is omstreeks 10:00 op 5 Maart 2023 in Mogi das Cruzes deur twee mans in 'n motor doodgeskiet, wat toe in 'n ander motor gevlug het. Geen verdagtes is in hegtenis geneem nie.[1]

Verwysings[wysig | wysig bron]

  1. "Homem conhecido como 'Pedrinho Matador' é assassinado na Grande SP, diz PM". G1 (in Brazilian Portuguese). 5 Maart 2023. Besoek op 5 Maart 2023.{{cite web}}: AS1-onderhoud: url-status (link)

Notas[wysig | wysig bron]