Kleinpelikaan

in Wikipedia, die vrye ensiklopedie
(Aangestuur vanaf Pelecanus rufescens)
Jump to navigation Jump to search

Kleinpelikaan
Pelecanus rufescens (75923093).jpg
Wetenskaplike klassifikasie
Domein:
Koninkryk:
Filum:
Klas:
Orde:
Familie:
Genus:
Spesie:
P. rufescens
Binomiale naam
Pelecanus rufescens
Gmelin, 1789
Pelecanus rufescens se eiers

Die kleinpelikaan (Pelecanus rufescens) is reuse wit watervoëls met groot lywe, kort bene en gewebde voete, lang nekke, lang snawels en kaal, rekbare keelsakke onder die ondermandibel. Hulle vang vis deur in 'n swerm saam te kom en 'n skool visse na die vlak water aan te keer waar hulle dan die vís in hul keelsakke opskep. Hulle loop koddig, maar stygsweef soms sonder moeite hoog die lug in.

Identifikasie[wysig | wysig bron]

Volwassenes in nie-broeidrag het 'n grys rugkant, terwyl die kop en onderkant gryserig-wit is. Die liggeel snawel het 'n pienk punt en die pote is vaalgeel. Hulle word in vlug aan die vlerke wat gryserig van onder is en donkergrys (nie swart nie) vlugvere van die witpelikaan (Pelecanus onocrotalus), onderskei. 'n Volwassene in broeidrag se snawelsak is 'n ryk geel kleur en die bo-mandibel het 'n pienk rand; die pote is 'n ryk oranjegeel kleur; die pienk vere op sy rug is van naby af sigbaar en het lang pluimvere op die kop. Onvolwassenes het 'n roesbruin kop, nek en rugkant, 'n wit onderkant, 'n liggeel snawel en keelsak; Hoewel baie kleiner as die witpelikaan, het die kleinpelikaan steeds 'n vlerkspan van ongeveer 2,4 m en is 1,35 m lank.

Habitat[wysig | wysig bron]

Die pelikaan is 'n seldsame, gelokaliseerde standvoël. Sy nes bestaan uit 'n groot hoop takke en stokke, waarin twee tot drie groot wit eiers gelê word. Die kleintjies voed deur hulle koppe diep by die volwassene se bek in te steek om die kos, wat bestaan uit halfverteerde vis en amfibiese diertjies, by te kom.

Verspreiding[wysig | wysig bron]

Bevolkings wat nes maak, kom in KwaZulu-Natal en Noord-Botswana voor; elders is dit 'n swerwer. Hulle broei in Afrika, Suid-Arabië en Madagaskar in moerasse en laagliggende mere.

Ander name[wysig | wysig bron]

  • Engels: Pink-backed pelican
  • Wetenskaplike naam: Pelecanus rufescens

Sien ook[wysig | wysig bron]

Bronnelys[wysig | wysig bron]