Pepe (sokkerspeler)
 Pepe saam met die Portugese nasionale span by die 2018 FIFA Wêreldbeker | |||
| Persoonlike inligting | |||
|---|---|---|---|
| Geboortedatum | 26 Februarie 1983 | ||
| Geboorteplek | Maceió, Brasilië | ||
| Lengte | 1,88 m[1] | ||
| Speelposisie | Sentrale verdediger | ||
| Jeugloopbaan | |||
| 1995–2001 | Corinthians Alagoano | ||
| Seniorloopbaan* | |||
| Jare | Span | Kere† | (Doele)† |
| 2001–2002 | Marítimo B | 14 | (1) |
| 2002–2004 | Marítimo | 63 | (3) |
| 2004–2007 | Porto | 64 | (6) |
| 2007–2017 | Real Madrid | 229 | (13) |
| 2017–2018 | Beşiktaş | 33 | (5) |
| 2019–2024 | Porto | 132 | (7) |
| Totaal | 535 | (35) | |
| Nasionale span | |||
| 2007–2024 | Portugal | 141 | (8) |
| * Kere vir seniorklub uitgedraf en doele is net vir die plaaslike liga.. † Kere uitgedraf (Doele). | |||
Kepler Laveran de Lima Ferreira (gebore 26 Februarie 1983), beter bekend as Pepe, is ’n voormalige professionele sokkerspeler wat as ’n sentrale verdediger gespeel het. Hy word wyd beskou as een van die beste verdedigers van sy generasie.[2][3][4][5]
Hy is in Brasilië gebore en grootgemaak, en het sy sokkerloopbaan by die plaaslike Corinthians Alagoano begin. Op die ouderdom van 18 het hy, saam met sy spanmaat Ezequias, na Portugal en die Madeiraeilande verhuis om by Marítimo te teken. Hy het die grootste deel van sy eerste seisoen by die B-span deurgebring, voordat hy in 2004 na Porto verskuif het. Tydens sy eerste verblyf by Porto het hy twee Primeira Liga-titels, twee Taças de Portugal en die Interkontinentale Beker gewen. Drie jaar later het hy na Real Madrid verhuis, waar hy ’n sleutelfiguur geword het en vyftien groot trofeë gewen het, insluitend drie La Liga-titels, twee FIFA-Klubwêreldbeker-titels, twee Copa del Rey-titels en drie UEFA Champions League-titels. Hy het ’n deurslaggewende rol in al drie Champions League-segeveldtogte gespeel.[6] In 2017 het hy by die Turkse klub Beşiktaş geteken, voordat hy in 2019 na Porto teruggekeer het. In sy laaste termyn by "Die Draakke" het hy nog twee ligatitels, vier Taças de Portugal en ’n Taça da Liga (Ligabeker) gewen.
Pepe het in Augustus 2007 ’n genaturaliseerde Portugese burger geword en die land se nasionale span by vier Wêreldbeker-toernooie en vyf Europeese Kampioenskappe verteenwoordig. Hy het die EURO 2016-titel in Frankryk gewen, is as speler van die wedstryd in die eindstryd aangewys, en is in die UEFA EURO-span van die Toernooi in 2008, 2012 en 2016 opgeneem. Hy was ook deel van die span wat die eerste UEFA Nations League in 2019 gewen het. Hy het tussen 2007 en 2024 in 141 wedstryde vir die Portugese nasionale span gespeel.
Verwysings
[wysig | wysig bron]- ↑ "FIFA World Cup Qatar 2022™: List of Players: Portugal" (PDF). FIFA. 15 November 2022. p. 22. Geargiveer (PDF) vanaf die oorspronklike op 18 Desember 2022. Besoek op 22 November 2022.
- ↑ "Pepe named as world's best defender of 2016". Goal.com. 10 November 2016.
- ↑ "7 Best Centre-Backs of the Decade". HITC. 26 Desember 2019.
- ↑ "Pepe: The most underrated defender of all time?". The 18. 8 Augustus 2024. Geargiveer vanaf die oorspronklike op 24 Junie 2022. Besoek op 8 Desember 2025.
- ↑ "The best centre-back partnerships ever". 18 Mei 2024.
- ↑ Lowe, Sid (7 Junie 2017). "Pepe leaves Real Madrid a touch bitter but with inner Hannibal Lecter tamed". The Guardian.