Perdeby (koerant)
Perdeby is die amptelike studentekoerant van die Universiteit van Pretoria. Die koerant is in poniekoerantformaat met tussen twaalf en 28 bladsye en het 'n weeklikse sirkulasie van 10 000. Perdeby word elke Maandag gratis uitgereik en word op al die kampusse en in koshuise van die Universiteit beskikbaar gestel. Die koerant het ook 'n aanlynweergawe met 'n maandelikse lesertal van 25 000. Sommige inhoud is slegs aanlyn beskikbaar.
