Periplus van die Eritrese See
Die Periplus van die Eritrese See (Koine: Περίπλους τῆς Ἐρυθρᾶς Θαλάσσης, Períplous tē̂s Erythrâs Thalássēs), ook bekend onder sy Latynse naam, Periplus Maris Erythraei', is 'n Grieks-Romeinse periplus wat in Koine geskryf is en navigasie en handelsgeleenthede van hawens in die Romeinse Egipte aan die Rooisee en ander aan die kus van die Horing van Afrika, die Persiese Golf, Arabiese See en Indiese Oseaan beskryf, onder meer in die hedendaagse Pakistan en Suidwes-Indië.
Die datum van die teks is aangegee as verskillende datums tussen die 1ste en 3de eeu, maar nou word die 1ste eeu as reg aanvaar.[1] Die skrywer is onbekend,[2] maar dit is 'n eerstehandse beskrywing deur iemand wat die gebied geken het en is amper uniek deurdat dit akkurate insigte verskaf in wat die antieke Griekse wêreld van die lande om die Indiese Oseaan geweet het.
Naam
[wysig | wysig bron]'n Periplus (Koine: περίπλους, períplous) is 'n logboek wat die reisplanne van seilbote asook kommersiële, politieke en etnologiese detail verskaf oor hawens wat besoek is.[3] In 'n tydperk voor kaarte was dit algemeen in gebruik; dit het gedien as 'n kombinasie van 'n atlas en 'n reisigershandboek.
Die Eritrese See (Koine: Ἐρυθρὰ Θάλασσα, Erythrà Thálassa, letterlik "Rooisee") was 'n antieke gegrafiese naam wat altyd die Golf van Aden tussen Arabia Felix en die Horing van Afrika ingesluit het en dikwels, soos in dié periplus, uitgebrei is om die hedendaagse Rooisee, Persiese Golf en Indiese Oseaan te dek as 'n enkele mariene gebied.
Verwysings
[wysig | wysig bron]- ↑ Hill (2009), p. xvi & notes on pp. 244-245.
- ↑ Schoff (1912), p. 6.
- ↑ Kish, George (1978). A Source Book in Geography. Cambridge: Harvard University Press. p. 21. ISBN 0-674-82270-6.
Bronne
[wysig | wysig bron]- Hill, John E. (2004), "The Peoples of the West" from the Weilüe, Section 15, http://depts.washington.edu/silkroad/texts/weilue/weilue.html#section15.
- Schoff, Wilfred Harvey, ed. (1912), The Periplus of the Erythraean Sea: Travel and Trade in the Indian Ocean by a Merchant of the First Century, New York: Longmans, Green, & Co., ISBN 978-81-215-0699-1, http://depts.washington.edu/silkroad/texts/periplus/periplus.html
Skakels
[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
