Gaan na inhoud

Peter Cullen

in Wikipedia, die vrye ensiklopedie
Peter Cullen
'n Beeld van die betrokke persoonlikheid.
Geboortenaam Peter Claver Cullen
Geboorte (1941-07-28)28 Julie 1941
Montréal, Québec, Kanada
Sterfte 26 Augustus 2026(2026-08-26) (op 85)[1]
Los Angeles, Kalifornië, VSA[1]
Nasionaliteit Kanadees
Kinders 4
Beroep(e) Akteur, stemkunstenaar
Aktiewe jare 1962-2026
Internet-rolprentdatabasis-profiel

Peter Cullen (28 Julie 1941 - 26 Augustus 2026) was 'n Kanadese akteur en stemkunstenaar. Hy is bekend vir sy rol as die stem van Optimus Prime in die Transformers-reeks, Eeyore in die Winnie the Pooh-rolprente, en KARR, KITT se bose teenstander, in Knight Rider.[1]

Loopbaan

[wysig | wysig bron]

Cullen het sy loopbaan in die Kanadese televisie en radio begin en was 'n gereelde gas op programme soos The Sonny & Cher Show voordat hy besluit het om hom op stemwerk toe te spits.[1] Hy het in die tagtiger- en negentigerjare sy stem verleen aan animasiereekse soos Spider-Man, Donkey Kong, Alvin & the Chipmunks, Dungeons & Dragons, My Little Pony, Duck Tales en Gummi Bears.[1]

Naas karakterstemme het hy ook klankeffekte gelewer. Hy was verantwoordelik vir die byklanke in Predator (1987), waarin Arnold Schwarzenegger die hoofrol vertolk, en vir die brulgeluide in King Kong (1976).[1]

Optimus Prime

[wysig | wysig bron]

Cullen se stem vir Optimus Prime is geïnspireer deur sy ouer broer, 'n gevierde Amerikaanse marinier en veteraan van die Viëtnam-oorlog. Terwyl Cullen hom in die tagtigerjare vir die rol voorberei het, het sy broer voorgestel dat hy die karakter as 'n "regte held, nie 'n Hollywood-held nie" vertolk, en hom aangeraai om nie te gil en te skree nie omdat die karakter "sterk genoeg is om sagmoedig te wees". Cullen het vertel dat hy by dié beskrywing aanklank gevind het en sy broer se stem tot by die oudisie kon hoor.[1] Hy het tot met sy broer se dood 'n deel van sy inkomste uit die rol met hom gedeel.[1]

Toekennings

[wysig | wysig bron]

Cullen is in 2011 vir 'n Daytime Emmy benoem en het in 2023 by die Children's & Family Emmy-toekennings 'n toekenning vir sy lewensbydrae tot die kunste ontvang.[1]

Dood

[wysig | wysig bron]

Cullen is op Woensdag 26 Augustus 2026 op 85-jarige ouderdom by sy huis in Los Angeles, Kalifornië, oorlede.[1] Volgens 'n verklaring wat sy familie uitgereik het, het hy vreedsaam gesterf terwyl sy familie by hom was.[1] Die familie het gevra dat mense sy nalatenskap eer deur hul gemeenskappe met deernis, integriteit en lojaliteit te dien en te lei, en die verklaring is afgesluit met die woorde: "Wees altyd sterk genoeg om sagmoedig te wees."[1]

Filmografie

[wysig | wysig bron]

Rolprente

[wysig | wysig bron]
  • 1970: Prologue
  • 1971: Tiki Tiki
  • 1976: King Kong (klankeffekte)[1]
  • 1984: Gallavants
  • 1985: Rainbow Brite and the Star Stealer
  • 1986: Heathcliff: The Movie
  • 1987: Predator (klankeffekte)[1]
  • 2002: Winnie the Pooh: A Very Merry Pooh Year
  • 2003: Piglet's Big Movie
  • 2007: Transformers
  • 2011: Transformers: Dark of the Moon
  • 2014: Transformers: Age of Extinction
  • 2017: Transformers: The Last Knight

Televisiereekse

[wysig | wysig bron]
  • 1967: The Smothers Brothers Comedy Hour
  • 1967: The Buddies
  • 1970: Zut!
  • 1970: Comedy Café
  • 1971: The Sonny and Cher Comedy Hour
  • 1974: The Bobbie Gentry Show
  • 1974: The Hudson Brothers Razzle Dazzle Show
  • 1974: The Sonny Comedy Revue
  • 1975: Down Home Country
  • 1981: Trollkins
  • 1981: Goldie Gold and Action Jack
  • 1981: The Kwicky Koala Show
  • 1982: Pac-Man
  • 1982: The Little Rascals
  • 1983: Dungeons & Dragons
  • 1983: Monchhichis
  • 1983: The Puppy's Further Adventures
  • 1983: The Biskitts
  • 1984: Dragon's Lair
  • 1984: The Transformers
  • 1984: Voltron: Defender of the Universe
  • 1984: Rainbow Brite
  • 1985: The 13 Ghosts of Scooby-Doo
  • 1985: Galtar and the Golden Lance
  • 1985: Robotix
  • 1985: Greatest Adventure Stories from Bible
  • 1986: Ghostbusters
  • 1986: Rambo
  • 1986: The Flintstone Kids
  • 1986: Foofur
  • 1986: Moon Dreamers
  • 1987: Visionaries: Knights of the Magical Light
  • 1987: BraveStarr
  • 1987: Saber Rider and the Star Sheriffs
  • 1987: The Little Wizards
  • 1988: Dino-Riders
  • 1988: Chip 'n' Dale Rescue Rangers
  • 1988: The New Adventures of Winnie the Pooh
  • 1988: The New Yogi Bear Show
  • 1989: Rude Dog and the Dweebs
  • 1990: Widget, the World Watcher
  • 1991: The Pirates of Dark Water
  • 1995: The Savage Dragon
  • 1997: Toonami Promos
  • 2000: Places of Mystery
  • 2001: The Book of Pooh
  • 2005: IGPX: Immortal Grand Prix
  • 2007: My Friends Tigger & Pooh
  • 2010: Transformers Prime
  • 2014: Transformers: Robots in Disguise

Televisierolprente

[wysig | wysig bron]
  • 1982: Christmas Comes to PacLand
  • 1983: Deck the Halls with Wacky Walls
  • 1989: Chip 'n' Dale's Rescue Rangers to the Rescue
  • 1989: Vytor: The Starfire Champion
  • 1989: Dixie's Diner
  • 1999: Winnie the Pooh: A Valentine for You
  • 2013: Transformers Prime Beast Hunters: Predacons Rising

Video's

[wysig | wysig bron]
  • 1985: Robotix
  • 1985: Bigfoot and the Muscle Machines
  • 1985: It's Your Birthday Party with Rainbow Brite and Friends
  • 1986: Noah's Ark
  • 1986: Voltron: Fleet of Doom
  • 1987: Transformers: The Return of Optimus Prime
  • 1992: Jonah
  • 1994: Winnie the Pooh Playtime: Detective Tigger
  • 1996: Making 'Hamlet'
  • 1998: A Winnie the Pooh Thanksgiving
  • 1999: Winnie the Pooh Friendship: Pooh Wishes
  • 2000: Sleepy Hollow: Behind the Legend
  • 2001: Enemy at the Gates: Through the Crosshairs
  • 2001: Tomb Raider: The Secrets of Lara Croft
  • 2001: Making 'The Score'
  • 2001: The Book of Pooh: Stories from the Heart
  • 2001: Toonami: Advanced Robotics
  • 2003: Sing Along Songs: Sing a Song with Pooh Bear and Piglet Too
  • 2004: Knight Rider: Under the Hood - 'Knight Rider' Season 1 DVD
  • 2004: Winnie the Pooh: 123s
  • 2005: Pooh's Heffalump Halloween Movie
  • 2006: Winnie the Pooh: Wonderful Word Adventure
  • 2007: Transformers: Beginnings
  • 2008: My Friends Tigger and Pooh: The Hundred Acre Wood Haunt
  • 2009: Tigger & Pooh and a Musical Too
  • 2010: Super Duper Super Sleuths

Verwysings

[wysig | wysig bron]
  1. 1 2 3 4 5 6 7 8 9 10 11 12 13 14 Bezuidenhout, Leonie-Mari (28 Augustus 2026). "Stem agter Optimus Prime, Eeyore sterf". Maroela Media.

Eksterne skakels

[wysig | wysig bron]
Ontsluit van "https://af.wikipedia.org/w/index.php?title=Peter_Cullen&oldid=2963224"