Petit Palais
| Petit Palais | ||
 | ||
| Ligging | Paris, Frankryk | |
|---|---|---|
| Koördinate | 48°51′57.751″N 2°18′55.258″E / 48.86604194°N 2.31534944°O | |
| Konstruksie | ||
| Geopen | 1902 | |
| Huurders | ||
Die Petit Palais is 'n paleisagtige gebou in Parys, geleë aan die suidekant van die Champs-Élysées in die systraat Avenue Winston Churchill na die Seine. Vandag huisves die gebou die Musée des Beaux-Arts de la Ville de Paris, benewens wisselende uitstallings van beeldende kunste. Die opvallendste kenmerk van die manjifieke gebou is die groot goue deur wat 'n geboë ingang op die westelike vleuel uitlig. Die gebou is diamantvormig met 'n tuin in die middel tussen die vleuels. Bo die ingang is 'n pragtige koepel wat in die damme in die tuin weerspieël word. Die Petit Palais en die Grand Palais is direk teenoor mekaar geleë en Avenue Winston Churchill lei een oor die Seine en na die Hôtel des Invalides.[1]
Die Petit Palais en die Grand Palais is gebou vir die Universele Uitstalling van 1900. Die geboue is in die stad se 8ste arrondissement geleë. Die Petit Palais is deur Charles Girault ontwerp.[2]
Die Petit Palais het ook as model gedien vir ander openbare geboue, soos die Koninklike Museum vir Sentraal-Afrika naby Brussel en die Museo de Bellas Artes (Museum vir Beeldende Kunste, wat kunste soos argitektuur, beeldhouwerk, skilderkuns, fotografie en film omvat) in Santiago, Chili.[3]
Verwysings
[wysig | wysig bron]- ↑ "Paris 1900 au Petit Palais" (in Frans). Besoek op 11 Oktober 2025.
- ↑ "Musée des Beaux-Arts de la ville de Paris Le Petit Palais" (in Frans). Besoek op 11 Oktober 2025.
- ↑ "Portrait d'un lieu: le Petit Palais, musée des beaux-arts de Paris" (in Frans). Besoek op 11 Oktober 2025.
Eksterne skakels
[wysig | wysig bron] |
Wikimedia Commons bevat media in verband met Petit Palais. |
| Internasionaal | |
|---|---|
| Nasionaal | |
| Geografies | |
| Kunstenaars | |
| Mense | |
| Ander | |
