Petrus Coetsee

in Wikipedia, die vrye ensiklopedie
Jump to navigation Jump to search
Petrus Coetsee.

Petrus Jacobus Coetsee (16 Augustus 1908, Venterstad, Kaapkolonie – onbekend) was regsadviseur en wetsopsteller vir die Kaaplandse provinsiale admninistrasie.

Coetsee was die seun van P.J. Coetsee. Hy het sy skoolopleiding aan die Hoërskool Colesberg voltooi en daarna aan die Potchefstroomse Universiteitskollege en die Universiteit van Pretoria studeer. Aan Tukkies was ’n voorsitter van die buitemuurse studenteraad in 1936. Hy het in die justisiekantoor in Pretoria gewerk en daarna in verskeie magistraatskantore, onder meer te Grahamstad, Louis Trichardt, Port Elizabeth en Kaapstad. Daarna is hy verplaas na die prokureur-generaal se kantoor in Kaapstad as vakkundige assistent.

Gedurende hierdie tyd het hy reeds regswerk vir die Kaaplandse provinsiale administrasie gedoen en in 1949 is hy aangestel as voltydse regsadviseur en wetsopsteller.

Coetsee het in die bestuur van die Tuine-tennisklub gedien en in verskeie ander liggame, soos kultuurverenigings in Port Elizabeth, en ander Afrikanerverenigings. Hy was medeskrywer van die tweede uitgawe van die boek Municipal Law van Dönges en Van Winsen.

Uit sy huwelik op 16 Maart 1946 met Lydia Dulcissima, dogter van J.F. Bartmann, is een seun en twee dogters gebore. Sy liefhebberye was musiek, tuinmaak en houtwerk. In die vroeë sestigerjare het hy en sy gesien by Endweg 3, Belgravia-landgoed, Bellville, gewoon.

Bron[wysig | wysig bron]

  • (af) (en) Kruger, dr. D.F. 1963. Wie is wie in Suid-Afrika. Johannesburg: Vitae Uitgewers.