Pieces of Her
| Pieces of Her | |
| Genre | |
|---|---|
| Geskep deur | Charlotte Stoudt, gebaseer op Pieces of Her deur Karin Slaughter |
| Geregisseer deur | Minkie Spiro |
| Met | |
| Oorsprong | VSA |
| Taal | Engels |
| Aantal episodes | 8 |
| Uitvoerende vervaardiger(s) |
|
| Vervaardiger(s) |
|
| Kinematografie | Ole Birkeland |
| Produksiemaatskappy |
|
| Uitsending | |
| Oorspronklike kanaal | Netflix |
| Oorspronklike lopie | Maart 2022 |
Pieces of Her is 'n Amerikaanse rillerdramareeks vir televisie wat deur Charlotte Stoudt vir Netflix geskep is. Dit is geskoei op die roman met dieselfde naam deur Karin Slaughter. Die première was op 4 Maart 2022.[1]
Die reeks is tussen 27 Februarie en 3 April 2022 wêreldwyd altesaam 227,5 miljoen uur gekyk, volgens Netflix se top-10.[2]
Storielyn
[wysig | wysig bron]Bederwingswaarskuwing: Die storielyn en/of storie se einde volg hieronder.
Pieces of Her gaan oor Andy, 'n 30-jarige vrou wat in 'n plaaslike eetplek in 'n dodelike skietery vasgevang word. Oomblikke later sien sy hoe haar ma, Laura, met gemak die skieter gewelddadig uitskakel. Terwyl Andy probeer sin maak van haar ma se dade op dié dag, verander haar siening van al haar familiebande aansienlik. Gou begin figure uit haar ma se verlede weer verskyn, en sy moet noodgedwonge vlug.
Op haar reis probeer sy die legkaart van haar ma se verlede herbou.[3]
Hoofakteurs
[wysig | wysig bron].jpg)
.jpg)
- Toni Collette as Laura Oliver, 'n spraakterapeut en borskankeroorlewende wat in Belle Isle, Georgia, woon. Sy het 'n donker verlede, en later word onthul haar regte naam is Jane Queller
- Bella Heathcote as Andy Oliver, Laura se dogter, wat teruggetrek het huis toe om haar ma te versorg
- Omari Hardwick as Gordon Oliver, Laura se eksman en Andy se stiefpa
- David Wenham as Jasper Queller, die huidige uitvoerende direkteur van Quellcorp
- Jessica Barden as Jane Queller, Laura se jonger self in die laat 1980's
- Jacob Scipio as Michael Vargas, 'n polisieman
- Joe Dempsie as die jong Nick Harp, Jane se voormalige liefde en die leier van die terroristegroep Army of the Changing World
Ontvangs
[wysig | wysig bron]Op Rotten Tomatoes het die reeks 'n goedkeuringsyfer van 50% en 'n gemiddelde punt van 5,7/10 gekry, gebaseer op 34 resensies.[4] Op Metacritic het dit 'n punt van 52 uit 100 gekry, gabaseer op 18 resensies, wat dui op 'n "gemengde of middelmatige" ontvangs.[5]
Angie Han het Collette se toneelspel deur die hele reeks in The Hollywood Reporter as "fassinerend" beskryf. Han sŝ ook die reeks verloor stoom ná die derde episode en kritiseer Heathcote se toneelspel as "sonder karakterontwikkeling".[6]
Verwysings
[wysig | wysig bron]- ↑ Huff, Lauren (25 Januarie 2022). "Toni Collette is a mother with blood on her hands in 'Pieces of Her' first look". Entertainment Weekly. Besoek op 25 Januarie 2022.
- ↑ "'Pieces of Her' Season 2: Will Netflix Renew or Cancel?". What's on Netflix. 27 April 2022. Geargiveer vanaf die oorspronklike op 10 Junie 2022. Besoek op 28 April 2022.
- ↑ Otterson, Joe (5 Februarie 2019). "Netflix Orders 'Pieces of Her' Adaptation With Bruna Papandrea, Lesli Linka Glatter Producing". Variety. Geargiveer vanaf die oorspronklike op 21 April 2022. Besoek op 19 Maart 2019.
- ↑ "Pieces of Her: Season 1". Rotten Tomatoes. Fandango Media. Besoek op 31 Julie 2022.
- ↑ "Pieces of Her: Seisoen 1". Metacritic. Besoek op 31 Julie 2022.
- ↑ Han, Angie (4 Maart 2022). "Netflix's 'Pieces of Her': TV Review". The Hollywood Reporter. Geargiveer vanaf die oorspronklike op 1 April 2022. Besoek op 11 Maart 2022.
Skakels
[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
