Pierre-Emerick Aubameyang
.jpg) Aubameyang by Arsenal in 2018 | |||
| Persoonlike inligting | |||
|---|---|---|---|
| Geboortedatum | 18 Junie 1989[1] | ||
| Geboorteplek | Laval Mayenne, Frankryk | ||
| Lengte | 1,87 m[2] | ||
| Speelposisie | Doelskieter | ||
| Klubinligting | |||
| Huidige klub | Marseille | ||
| Nommer | 97 | ||
| Jeugloopbaan | |||
| 1995–1997 | ASL L'Huisserie[3] | ||
| 1997–1998 | Nice | ||
| 1998–1999 | ASL L'Huisserie | ||
| 1999–2001 | Laval | ||
| 2001–2005 | Rouen | ||
| 2005–2007 | Bastia | ||
| 2007–2008 | AC Milan | ||
| Seniorloopbaan* | |||
| Jare | Span | Kere† | (Doele)† |
| 2008–2011 | AC Milan | 0 | (0) |
| 2008–2009 | → Dijon (leen) | 34 | (8) |
| 2009–2010 | → Lille (leen) | 14 | (2) |
| 2010–2011 | → Monaco (leen) | 19 | (2) |
| 2011–2013 | Saint-Étienne | 87 | (37) |
| 2011 | Saint-Étienne II | 2 | (0) |
| 2013–2018 | Borussia Dortmund | 144 | (98) |
| 2018–2022 | Arsenal | 128 | (68) |
| 2022 | Barcelona | 18 | (11) |
| 2022–2023 | Chelsea | 15 | (1) |
| 2023–2024 | Marseille | 34 | (17) |
| 2024–2025 | Al-Qadsiah | 32 | (17) |
| 2025– | Marseille | 14 | (5) |
| Nasionale span‡ | |||
| 2009 | Frankryk o/21 | 1 | (0) |
| 2012 | Gabooen se Olimpiese span | 3 | (1) |
| 2009– | Gaboen | 86 | (40) |
| * Kere vir seniorklub uitgedraf en doele is net vir die plaaslike liga. en korrek soos op 14 Desember 2025. † Kere uitgedraf (Doele). | |||
Pierre-Emerick Emiliano François Aubameyang (gebore 18 Junie 1989) is ’n professionele sokkerspeler wat as ’n doelskieter vir die Ligue 1-klub Marseille speel en die Gaboenese nasionale span aanvoer.
Hy is gebore in Laval, Mayenne, Frankryk, en is die seun van die voormalige Gaboenese internasionale sokkerspeler Pierre Aubameyang. Sy moeder is Spaans. Hy het verkies om Gaboen op internasionale vlak te verteenwoordig. Hy het sy senior debuut vir die Gaboenese nasionale span in 2009 op 19-jarige ouderdom gemaak en met meer as 40 doele is hy die land se beste doelskieter ooit. Hy het Gaboen by ses Afrikanasiesbeker-toernooie en by die Olimpiese Somerspele van 2012 verteenwoordig. In 2015 is hy as Afrika-sokkerspeler van die Jaar aangewys; die eerste Gaboenese en die tweede in Europa gebore speler om dié toekenning te wen.[4]
Aubameyang se prestasies op klubvlak was nie swakker as sy prestasies op nasionale vlak nie. Hy het sy senior klubloopbaan begin deur by AC Milan in Italië te teken, maar het nooit vir die klub gespeel nie en is eerder op ’n reeks uitleenperiodes in Frankryk uitgestuur. In 2011 het hy na Saint-Étienne verhuis. Daar het hy ’n Coupe de la Ligue-titel gewen, waarna hy in 2013 by Borussia Dortmund aangesluit het.[5] In Duitsland het Aubameyang die liga se voorste doelskieter in die 2016/17-seisoen geëindig en die DFB-Pokal gewen. Hy is ook die klub se agtste hoogste doelskieter van alle tye.
In 2018 was Aubameyang die onderwerp van ’n destydse klubrekord-oordrag toe hy vir Arsenal geteken het in ’n transaksie ter waarde van £56 miljoen (€60 miljoen), wat hom die duurste Gaboenese speler ooit gemaak het.[6] By Arsenal het hy ’n FA-beker gewen en die liga as gesamentlike voorste doelskieter in die 2018/19-seisoen afgesluit.[7] Ná sy vertrek uit Arsenal in 2022 het Aubameyang tydperke by Barcelona en Chelsea deurgebring voordat hy in 2023 by Marseille aangesluit het. In 2024 het hy by Al-Qadsiah in die Saoedi-Proliga aangesluit, waar hy een seisoen deurgebring het, en die daaropvolgende somer na Marseille teruggekeer.
Verwysings
[wysig | wysig bron]- ↑ "Pierre-Emerick Aubameyang: Overview". ESPN. Besoek op 30 Augustus 2020.
- ↑ "Pierre-Emerick Aubameyang". Borussia Dortmund. Geargiveer vanaf die oorspronklike op 21 Januarie 2018. Besoek op 25 Oktober 2017.
- ↑ "Joueur – Pierre-Emerick AUBAMEYANG". French Football Federation. Geargiveer vanaf die oorspronklike op 24 September 2020. Besoek op 13 Januarie 2017.
- ↑ "Pierre-Emerick Aubameyang beats Yaya Toure to Caf award". BBC Sport. 7 Januarie 2016. Besoek op 8 Januarie 2016.
- ↑ "The 100 best footballers in the world 2016 – interactive". The Guardian. 20 Desember 2016.
- ↑ "Pierre-Emerick Aubameyang completes £56m Arsenal move". The Guardian. 31 Januarie 2018. Besoek op 31 Januarie 2018.
- ↑ "Aubameyang: Arsenal's talisman". BBC Sport. 1 Augustus 2020.
