Pikkie

Pikkie is 'n Afrikaanse drama wat in 1972 vrygestel is.^[1] Die film is deur Sias Odendaal geregisseer met 'n draaiboek deur Beverley Peirce, met behulp van Chris Barnard, vervaardig deur Lindie Films en versprei deur Ster Films.^[1]

Sinopsis

Pikkie (Pietie Meyer), 'n seun wat deur sy ouers verwerp is, word na 'n skoolplaas, oftewel 'n verbeteringskool, gestuur. Hier ontdek hy vir die eerste keer sy liefde vir perde, wat vinnig sy lewenspassie word. Wanneer hy die enigste leerling is wat die wilde perd van die Skoolplaas kan tem en ry, trek hy die toorn van die skoolboelie, Johannes van den Bergh, en sy trawante op hom. Die uiteindelike botsing tussen Pikkie en die Boelie vind plaas in die arena van die Randse Paasskou, waar die Boelie vir oorheersing veg en Pikkie vir sy voortbestaan.^[1]

Rolverdeling

Die rolverdeling is Pietie Meyer, Johannes van den Bergh, Leonora Nel, Gabriel Bayman, Alexis Retief en Alfred Baynham.^[1]

Verwysings

1 2 3 4 Steyn, Christa. Die argivering van die Afrikaanse film (1916 – 2014). MA-verhandeling: Universiteit van die Vrystaat.

[Steyn2015-1] 1 2 3 4 Steyn, Christa. Die argivering van die Afrikaanse film (1916 – 2014). MA-verhandeling: Universiteit van die Vrystaat.

[1]