Pistoolster
| Pistoolster | ||||
 | ||||
| Pistoolster en die Pistoolnewel | ||||
| Sterrebeeld | Boogskutter | |||
| Bayer-naam | — | |||
| Spektraaltipe | LBV / blou hiperreus | |||
| Soort | Blou Hiperreus | |||
| Waarnemingsdata (Epog J2000) | ||||
| Komponent 1 | V4647 Sgr | |||
| Regte klimming | 17h 46m 15.3s | |||
| Deklinasie | −28° 50′ 04″ | |||
| Magnitude | — | |||
| Skynmagnitude (m) | >28 (V-band) | |||
| Absolute magnitude (M) | — | |||
| B-V-kleurindeks | — | |||
| U-B-kleurindeks | — | |||
| Besonderhede | ||||
| Massa (M☉) | 27.5–92 M☉ | |||
| Radius (R☉) | ~308 R☉ | |||
| Ligsterkte (L☉) | 1 660 000 L☉ | |||
| Temperatuur (K) | 11 800–12 000 K | |||
| Rotasiespoed (km/s) | — | |||
| Metaalinhoud [Fe/H] | ~0.1 | |||
| Eienskappe | ||||
| Afstand (ligjaar) | ~25 000 ligjare (≈ 7 700 pc) | |||
| Ouderdom (jaar) | ~1–4 miljoen jaar | |||
| Veranderlikheid | cLBV | |||
| Veelvoudigheid | Nee (enkelster) | |||
| Planete | Geen bekend | |||
| Ander name | ||||
| V4647 Sagittarii, qF 134, 2MASS J17461524−2850035 | ||||
| ||||
Die Pistoolster (of V4647 Sagittarii) is ’n Wolf-Rayetster, ’n blou hiperreus en een van die ligkragtigste sterre in die Melkweg. Dit is een van die baie massiewe jong sterre in die Kwintuplet-sterreswerm. Die naam kom van die vorm van die Pistoolnewel, wat deur hierdie ster verlig word. Die ster is 25 000 ligjare van die Aarde af geleë in die sterrebeeld die Boogskutter. Die ster sou sigbaar kon wees as ’n ster van magnitude 4, indien dit nie in ’n wolk van interstellêre stof geleë was nie.
Eienskappe
[wysig | wysig bron]Die Pistoolster is in die vroeë 1990’s deur die Hubble-ruimteteleskoop ontdek. Daar word vermoed dat hierdie ster reeds meer as 10 sonmassas se materiaal deur groot uitbarstings afgestoot het. As gevolg van hierdie uitbarstings het ’n enorme gaswolk rondom die ster ontstaan, waardeur die ster slegs gedeeltelik sigbaar is. Die sterwind van hierdie ster is ongeveer 10 miljard keer sterker as dié van ons eie Son.
Een publikasie uit 2026 het die ster se ligkrag as 1 660 000 L☉ bepaal, wat saam met ’n effektiewe temperatuur van 11 800 K ’n radius van ongeveer 308 R☉ impliseer.[1] Indien die groter radius aanvaar word en die Pistoolster in die middel van die Sonnestelsel geplaas sou word, sou sy oppervlak verder as die wentelbaan van Mars strek.
Die presiese ouderdom van die ster is onbekend, hoewel dit moontlik binne 1 tot 3 miljoen jaar ’n supernova of hipernova kan word. Hierdie ster straal in 20 sekondes net soveel energie uit as wat die Son in ’n jaar uitstraal.
Verwysings
[wysig | wysig bron]- ↑ Bernini-Peron, M.; Sander, A. a. C.; Sabhahit, G. N.; Najarro, F.; Ramachandran, V.; Vink, J. S. (1 April 2026). "The winds of OBA hypergiants and luminous blue variables - Dynamically consistent atmosphere models reveal multiple wind regimes". Astronomy & Astrophysics (in Engels). 708: A206. doi:10.1051/0004-6361/202558762. ISSN 0004-6361.
Eksterne skakels
[wysig | wysig bron]
Wikimedia Commons het meer media in die kategorie Pistoolster.
