PizzaExpress

**PizzaExpress**
	PizzaExpress
	;
Tipe	Privaat maatskappy
Gestig	1965 in Londen, Engeland
Hoofkantoor	Uxbridge, Londen, Verenigde Koninkryk
Sleutelpersone	Peter Boizot (stigter), Jinlong Wang (hoof uitvoerende beampte)
Gebied bedien	Verenigde Koninkryk, Ierland, vastelandse Europa, Indië, Hong Kong, Midde-Ooste
Industrie	Restaurantgroep
Produkte	Restaurante, diepvrieskos
Werknemers	10 100 2020
Moedermaatskappy	Hony Capital, Beijing
Webwerf	pizzaexpress.com

PizzaExpress is 'n restaurantgroep wat 470 restaurante in die Verenigde Koninkryk en 'n honderdtal in oorsese lande bedryf, waaronder Europa, Hongkong, Indië en die Midde-Ooste.

Die groep is in 1965 deur Peter Boizot gestig - volgens PizzaExpress se webtuiste was Boizot ontevrede met 'n pizza wat hy destyds in 'n Londense restaurant voorgesit is en het besluit om tradisionele Italiaanse pizza-kookkuns op die Britse mark in te voer. Die eerste PizzaExpress-restaurant, waarvoor 'n Italiaanse pizza-oond ingevoer is, het in Wardour Street, Soho, Londen geopen.^[1] PizzaExpress is net een van 'n reeks Italiaans-geïnspireerde restaurantkettings in die Verenigde Koninkryk. Sy hoofmededingers sluit Ask, Prezzo en Strada in.

Die onderneming is in 2014 aan die Chinese beleggingsmaatskappy Hony Capital verkoop - in 'n transaksie ter waarde van £900 miljoen.^[2] PizzaExpress het - net soosander restaurantkettings - tydens die Cornovirus-pandemie in 2020 verliese gely. As deel van die Britse regering se maatreëls ter inperking van die siekte moes restaurante in Maart hul deure tydelik sluit. In September 2020 het PizzaExpress die sluiting van 73 restaurante aangekondig nadat krediteurs 'n herstruktureringsplan goedgekeur het. Sowat 1 100 werksgeleenthede word bedreig.^[3]

Filantropie[wysig | wysig bron]

In 1977 het PizzaExpress 'n nuwe soort pizza, die Pizza Veneziana, ingevoer om fondse vir die Venice in Peril Fund in te samel, 'n organisasie wat ná die verwoestende oorstroming van 1966 gestig is om Venesië van ondergang te red. Die donasie vir elke verkoopte pizza is algaande verhoog van 5p tot 25p. Vanaf 2008 word 50 persent van donasies uit die verkoop van Pizze Veneziane aan die Venice in Peril Fund geskenk, terwyl die ander helfte vir die restourasie, herstelling en onderhoud van geboue, wat voor 1750 ontstaan het, en hul meubilering, toerusting en installasies aangewend word.^[4]

Verwysings[wysig | wysig bron]

Eksterne skakels[wysig | wysig bron]

Peter Boizot

Peter Boizot 1929−2018: Venice In Peril se doodsberig Geargiveer 13 Desember 2018 op Wayback Machine

Dagbladartikels

The Guardian, 16 Julie 2020: Fear of Pizza Express closures as chain faces takeover by bondholders

[1] www.pizzaexpress.com: About Us - Our History. Besoek op 30 November 2017

[2] Financial Times, 25 Augustus 2016: PizzaExpress sales dip reflects ‘broader slowdown’ in casual dining. Besoek op 4 Desember 2016

[3] The Guardian, 7 September 2020: Pizza Express to close 73 restaurants, putting 1,100 jobs at risk. Bersoek op 12 Septembe 2020

[4] "Venice in Peril - Corporate benefactors: Pizza Express. Besoek op 3 Oktober 2018". Geargiveer vanaf die oorspronklike op 28 September 2018. Besoek op 3 Oktober 2018.

[1]

[2]

[3]

[4]