Pjotr Tsjaikofski

in Wikipedia, die vrye ensiklopedie
Spring na: navigasie, soek
Pjotr Iljitsj Tsjaikofski
Tchaikovsky.jpg
Pjotr Iljitsj Tsjaikofski
Geboorte 7 Mei 1840
Wotkinsk, Rusland
Afsterwe 6 November 1893
Sint Petersburg, Rusland
Beroep(e) Komponis, musiekpedagoog
Genre(s) Klassieke musiek, Nuwe Musiek
Instrument(e) Piano
Aktiewe jare 1867 - 1893
Assosiasies Swanemeer, Doringrosie, Die Neutkraker
Portal.svg Musiekportaal

Pjotr Iljitsj Tsjaikofski (Russies: Пётр Ильич Чайковский), Wotkinsk, 7 Mei 1840Sint Petersburg, 6 November 1893, was ’n Russiese komponis wie se musiek deur sommige kritici as "te Westers" beskou is.

Lewe[wysig]

Tsjaikofski was eers ’n amptenaar en het toe musiek gaan studeer aan die N.W. Rimskogo-Korsakowa-konservatorium in Sint Petersburg. Hy het later ’n dosent aan dieselfde konservatorium geword. ’n Ryk bewonderaar, gravin Nadesjda Filaretowna von Meck, het dit vir hom in 1877 moontlik gemaak om sy lewe aan die skryf van musiek te wy. Hulle het jare lank gekorrespondeer, maar in 1890 het sy skielik om ’n onduidelike rede haar geldelike steun onttrek – moontlik óf omdat sy bankrot was óf omdat sy haar nie met sy homoseksualiteit kon vereenselwig nie.

Tsjaikofski het baie gereis en is oral geëer, maar hy het ’n eensame mens gebly. Hy is op 53-jarige leeftyd aan cholera dood, maar gerugte van selfmoord het hardnekkig die ronde gedoen.

Benewens ses simfonieë het Tsjaikofski onder andere simfoniese gedigte en opera's geskryf, asook klavier- en vioolwerke. Veral sy eerste klavierkonsert, sy vioolkonsert, sy laaste drie simfonieë, sy balletmusiek en sy bombastiese 1812-overture word dikwels uitgevoer. Hy het geslaag om Wes-Europese musiekinvloede in Russiese musiek in te bring. Sy werke is ook gelief vanweë die welluidende orkestrasie. Tsjaikofski het in ’n paar komposisies op ’n besondere wyse walsmusiek ingebring – nie net in sy ballette nie, maar ook in sy simfonieë.

Komposisies[wysig]

Van sy werke sluit in:

  • Operas
    • Droom op die Wolga (Воевода, Wojewoda), op. 3 (1867-1868)
    • Oendina (Ундина) (vernietig) (1869)
    • Opritsjnik (Опричник) (1870 - 1872)
    • Eugene Onegin (Евгений Онегин), op. 24 (1877 - 1878)
    • Die Maag van Orléans (Орлеанская дева, Orleanskaja Dewa) (1878 - 1879, hersien in 1882)
    • Mazeppa (Мазепа) (1881 - 1883)
    • Die Towenares (Чародейка, Tsjarodeika) (1885 - 1887)
    • Skoppensvrou (Пиковая дама, Pikowaja Dama), op. 68 (1890)
    • Jolanta (Иоланта), op. 69 (1891)
  • Orkeswerke
    • Simfonieë
      • Simfonie nr. 1 in g majeur, op. 13 (Winter-dagdrome) (1866, hersien in 1874)
      • Simfonie nr. 2 in c mineur, op. 17 (Klein-Russiese) (1872, hersien in 1879 - 1880)
      • Simfonie nr. 3 in D majeur, op. 29 (Poolse) (1875)
      • Simfonie nr. 4 in f mineur, op. 36 (1877 - 1878)
      • Simfonie (sonder nommer), op. 58 (Manfred) (1885)
      • Simfonie nr. 5 in e mineur, op. 64 (1888)
      • Simfonie nr. 6 in b mineur, op. 74 (Pathétique) (1893)
  • Orkessuites
    • Suite nr. 1 in D majeur, op. 43 (1878 - 1879)
    • Suite nr. 2 in C majeur, op. 53 (1883)
    • Suite nr. 3 in G majeur, op. 55 (1884)
    • Suite nr. 4, op. 61 (Mozartiana) (1887)
  • Simfoniese gedigte
    • Die Storm, overture, op. 76 (1864)
    • Noodlot, op. 77 (1868)
    • Romeo en Julia, ouverture na Shakespeare (1869, hersien in 1870 en 1880)
    • Die Storm, op. 18 (1873)
    • Slawiese Mars, op. 31 (1876)
    • Francesca da Rimini, op. 32 (1876)
    • Capriccio Italien, op. 45 (1880)
    • 1812-overture, op. 49 (1880)
    • Hamlet-overture, op. 67a (1888)
    • Wojewoda, simfoniese ballade, op. 78 (1891)
  • Klavierwerke
    • Valse Caprice, op. 4 (1868)
    • Capriccio, op. 8 (1870)
    • 3 stukke, op. 9 (1870)
    • 6 stukke, op. 19 (1870)
    • 6 stukke na één tema, op. 21 (1873)
    • Sonate in G majeur, op. 37 (1878)
    • Die Seisoene (1875 - 1876)
    • Kinderalbum, op. 39 (1878)
    • 12 stukke, op. 40 (1878)
    • 6 stukke, op. 51 (1882)
    • Doemka, op. 59 (1886)
    • 18 stukke, op. 72 (1893)


  • Transkripsies
    • Anatoli Wassiljewitsch Iwanow - Kinderalbum, op. 39 for ensemble of percussion instruments

Verwysings[wysig]

Hierdie artikel is in sy geheel of gedeeltelik vanuit die Nederlandse Wikipedia vertaal.


Eksterne skakels[wysig]

Commons-logo.svg
Wikimedia Commons het meer media verwant aan:
Pjotr Tsjaikofski (kategorie)