Plätzchen

in Wikipedia, die vrye ensiklopedie
Jump to navigation Jump to search
Tipiese Plätzchen (kersfeeskoekies)

Die begrip Plätzchen (letterlik "Plekkies") verwys na 'n onderafdeling van koekies wat in Duitssprekende lande gedurende die advensperiode gebak word. Die Duitse term het twee moontlike oorspronge. Die eerste moontlike verklaring is dat dit die verkleinvorm van die woord "Platz" is, wat in 'n Duitse dialek "'n plat gevormde koekie" is. Die tweede moontlike verklaring is dat die woord afgelei is van die Latynse woord "Placenta", wat "koek" beteken.[1] Alhoewel die basiese bestanddele van Plätzchen soortgelyk is aan ander koekies wat uit meel, melk, suiker en botter gebak word, het Plätzchen eienskappe en bestanddele wat hulle onderskei van gewone koekies.

Tipiese eienskappe[wysig | wysig bron]

'n Tipiese Zimtstern (Kaneelster)
Vanillekipferl (Vanilla-sekelmaantjies)
Makrone

Tradisioneel word Plätzchen tuis gebak, alhoewel kommersieel gebakte Plätzchen ook verkrygbaar is. Die eienskappe wat hulle onderskei van ander koekies sluit in hulle vorm, grootte en die bygevoegde bestanddele. Tuisgebakte Plätzchen word tradisioneel met klein bakvormpies uitgedruk en die vorms sluit in hartjies, sterretjies, vierkante, sirkels, huisies ensomeer. Die vorms is nie beperk tot bogenoemde nie en vele ander vorms kan ook gebruik word. Van die gewildste kommersiële Plätzchen sluit in Zimtsterne (Kaneelsterre), Vanillekipferl (Vanilla-sekelmane) en Makronen. Plätzchen is normaalweg dunner is gewone koekies (ongeveer 0.5cm) en die deursnit van 'n Plätzchen wissel van ongeveer 2 cm tot 5 cm. Die meeste Plätzchen word individueel versier met verskeie bestanddele en hulle is gewoonlik baie kleurryk.

Tipiese bestanddele[wysig | wysig bron]

In Duitsland word sekere van die bestanddele met die Kerstyd geassosieer. Plätzchen benodig gevolglik buitengewone bestanddele vir die koekie deeg, benewens een of meer van die volgende bestanddele: Kaneel, vanielje, kokosneut, haselneute, amandels, strooisuiker, sjokolade, framboos- of aarbeikonfyt, geglasuurde suiker (gewone of suurlemoensmaak) en Hundreds-and-Thousands.

Verwysings[wysig | wysig bron]