Plymouth Rock-hoender

in Wikipedia, die vrye ensiklopedie

Die Plymouth Rock is 'n mak hoenderras van Amerikaanse oorsprong. Dit het sy oorsprong in Nieu-Engeland in die 19de eeu uit kruisteling van Dominiques en Swart Javas.

Die hoender is rustig, gemoedelik en ook 'n baie goeie lêer. Daar is oor die loop van jare vele kleure ontwikkel soos: ligbruin, swart, gestreep, ens.

Nut[wysig | wysig bron]

Die Plymouth Rock word geteel as 'n dubbeldoelhoender, wat beteken dat dit beide vir sy vleis en eierlêvermoë van die henne waardeer word. Dit is 'n koudgeharde voël. Die henne lê bruin eiers, en gaan voort deur die winter met verlaagde produksie.