Polipektomie

in Wikipedia, die vrye ensiklopedie
Jump to navigation Jump to search

’n Polipektomie is in geneeskunde die verwydering van ’n poliep of groeisel. Dit kan deur middel van ’n uitsnyding gedoen word as dit uitwendig (op die vel) voorkom. ’n Kolorektale polipektomie is die verwydering van dermpoliepe om te voorkom dat dit tot kanker ontwikkel.

Dermpoliepe kan endoskopies verwyder word tydens ’n kolonoskopie; as dit te groot is daarvoor, kan chirurgie nodig wees. Die manier waarop ’n polipektomie tydens ’n kolonoskopie gedoen word, hang af van die grootte, vorm en soort poliep. ’n Biopsie kan ook voor die tyd van die poliepe geneem en onder ’n mikroskoop ondersoek word om te bepaal of ’n polipektomie nodig is.