Politegniese hoërskool

in Wikipedia, die vrye ensiklopedie
Jump to navigation Jump to search
Politegniese hoërskool 56 in die Berlynse stadsdeel Marzahn

Die Politegniese hoërskool (Duits: Polytechnische Oberschule, kort POS en uitgespreek as P-O-S) was die algemene eenheidskool binne die skoolstelsel van die Duitse Demokratiese Republiek (DDR, ook Oos-Duitsland genoem) wat tien grade behels het en geheel en al deur die staat onderhou is. Dit het in 1959 ontstaan toe Oos-Duitse laerskole (met agt grade) en middelbare skole (tien grade) hervorm is.

Die POS-konsep was dié van 'n algemene gekombineerde laer- en hoërskool sonder enige differensiasie tydens die gewone onderrig sodat die klasverband, afgesien van leerders wat na Uitgebreide hoërskole (Erweiterte Oberschule, EOS - matriekskole ter voorbereiding van akademiese studies) gewissel het, oor alle skooljare behoue gebly het - in teenstelling met die tradisionele burgerlike drieledige skoolstelsel wat steeds in die huidige Federale Republiek van Duitsland bestaan. Die konsep is lankal voor die stigting van die DDR ontwikkel en het sy oorsprong in die Duitse hervormingspedagogiek van die 1920's.[1]

As sosialistiese staats- en eenheidskole het politegniese hoërskole volgens die amptelike ideaal aan kinders 'n hoë graad van algemene kennis verskaf, hulle opgevoed volgens die beginsels van kommunisme en hulle deur middel van die verpligte onderrig asook 'n groot verskeidenheid buiteskoolse aktiwiteite voorberei vir hul verdere lewensbaan en die beroepslewe asook vir verdere (tersiêre) opleiding.

Toegang tot politegniese hoërskole, waar alle leerlinge kosteloos onderrig ontvang het, is in die DDR-grondwet veranker as burgerreg en -plig.[2]

Rooster vanaf 1971[wysig | wysig bron]

Graad 1 2 3 4 5 6 7 8 9 10
1ste semester 2de semester
Duitse taal en literatuur 11 10 12 14 14 7 6 5 4+1 3+1 3
Russies 6 5 3 3 3 3
Wiskunde 5 5 6 6 6 6 6 6 4 5 4
Fisika 3 2 2 3 3
Skeikunde 2 4 2 2
Biologie 2 2 1 2 2 2
Geografie 2 2 2 2 1 2
Astronomie 1
Politegniese onderrig 4 4 5 5
waarvan Tegniese tekene (1) (1)
Inleiding tot die sosialistiese produksiestelsel (1) (1) (2) (2)
Produktiewe werk (2) (2) (3) (3)
Werkonderrig 1 1 1 1 2 2 2
Skooltuin 1 1 1 1
Geskiedenis 1 2 2 2 2 2
Staatsburgeronderrig 1 1 1 2
Kuns 1 1 1 1 2 1 1 1 1 1
Musiek 1 1 1 2 1 1 1 1 1 1 1
Liggaamlike opvoeding 2 2 2 2 3 3 3 2 2 2 2
Verpligte onderrig (ure) 21 21 24 27 29 31 33 32 32+1 31+1 32
fakultatief
Tweede vreemde taal 3 3 3 2
Fakultatiewe kursusse (*) 2 2
Naaldwerk 1 1
Maksimale aantal onderrigure 21 21 24 27 30 32 33 35 35+1 34+1 34

Verwysings[wysig | wysig bron]

  1. Wilhelm J. Wagner: Geschichte der DDR. Das Leben im Arbeiter- und Bauernstaat in Karten und Bildern. Wien: tosa im Verlag Carl Ueberreuter 2009, bl. 116
  2. Handbuch Deutsche Demokratische Republik. Jubiläumsausgabe 1984. Leipzig: VEB Bibliographisches Institut 1984, bl. 474