Pornografiese subgenres

Pornografie is die eksplisiete uitbeelding van seksdade met die doel om seksueel te prikkel. Dit word gewoonlik onderverdeel in spesifieke subgenres. Pornografie word tradisioneel geklassifiseer as óf "sagte" óf "harde" pornografie.

• Sagte pornografie bevat gewoonlik naaktheid of gedeeltelike naaktheid in seksueel suggestiewe situasies, maar geen eksplisiete seksuele aktiwiteit, penetrasie of ekstreme fetisjisme nie.
• Harde pornografie bevat grafiese seksuele aktiwiteit, penetrasie en dikwels ook fetisjisme.

Die meeste subgenres kan weer geklassifiseer word in eienskappe van die akteurs of die soort seksdade, wat dalk verskil van die nismark waarop dit gerig is.

Omdat die deursnee-pornografie op die manlike kyker gerig is, was die aktrises se eienskappe tradisioneel die belangrikste. Al hoe meer pornografie word egter op die vroulike kyker gerig en dit maak die akteurs se eienskappe deesdae ook belangrik. Verder is daar nuwe subgenres soos klein penisse, spiere en feministiese pornografie.

Die meeste genres op hierdie lys hou verband met harde porografie.

Genres volgens fisieke eienskappe

François Sagat, ’n voorbeeld van ’n porno-akteur met baie liggaamshare.

Alyssa Lynn, ’n porno-aktrise met groot borste.

Hare

Haarfetisjisme is seksuele prikkeling wat verband hou met hare, hoofsaaklik:

• Lang hare
• Skaamhare
• Haarstyle
• Liggaamshare

Liggaam

• Armholtes: dit sluit die lek, soen, kielie of ruik van armholtes tydens seks of liefdesvoorspel in.
• Groot vroue: oorgewig of vetsugtige vroue.
• Lingo (Latyn): sluit die lek van die ore, lippe, vagina of ander liggaamsdele in.
• Groot borste: groot boste; dikwels vroue met borsinplantings, maar sommige mans verkies vroue met natuurlike groot borste.
• Groot penis: mans met buitengewoon groot penisse.
• Groot sitvlak: die erotisering van groot sitvlakke en anusse; dit oorvleuel dikwels met anale seks.
• Kameeltoon-pornografie: vroue met groot labia of ’n groot klitoris.
• Voete-en-bene: klem op ’n akteur se voete en bene.
• Klein borste: vroue met klein of feitlik geen borste nie.

Ras en etnisiteit

Die hoofartikel vir hierdie afdeling is: Veelrassige pornografie.

In rasgeoriënteerde pornografie is die akteurs nie altyd van die ras wat in die titel genoem word nie. Soms het hulle die nodige eienskappe soos velkleur, lippe en oë. Soms word akteurs se ras verskillend aangegee na gelang van die spesifieke video.

• Asiate: akteurs met ’n Asiatiese voorkoms, soos van Japan, China en Thailand, of soms mense met soortgelyke eienskappe.
• Swart mense (soms aangedui as ebony): swart mense of mense met soortgelyke eienskappe. Hulle kan onderverdeel word in Afrikane, Afro-Amerikaners of mense van die Karibiese streke.
• Wit mense of Europeërs: akteurs wat lyk of hulle van Oos- of Wes-Europa af kom.
• Veelrassig (interracial): akteurs van verskillende rasse-agtergronde.
• Latyns-Amerikaners (latino/latina): akteurs wat lyk of hulle van Latyns-Amerika of Latyns-Europa is; sluit in Suid-Amerika, Mexico, Puerto Rico of Kuba. Baie is Spanjaarde, Portugese, Italianers of Indiane.
• Midde-Oosters: akteurs met die voorkoms van mense uit die Midde-Ooste; oorvleuel met Arabiere, Noord-Afrikane of Indiërs.

Subkultuur

• Alternatiewe porno: akteurs met tatoes, gaatjies, ’n ongewone haarkleur, unieke haarstyle, ’n gotiese voorkoms, punk-rock, hippies, ravers of aanhangers van BDSM.

Ouderdom

• Middeljariges: 40 en ouer. Sluit in MILF's (Moms I'd Like to Fuck) in tonele met jonger mans en DILF's (Dads I'd Like to Fuck).
• Tieners (soms barely legal genoem): jong akteurs wat 18 of 19 lyk.
• Kinders: kinderpornografie is seksdade met kinders onder die wettige ouderdom; feitlik oral onwettig.

Fetisje

Die hoofartikel vir hierdie afdeling is: Seksuele fetisjisme.

Twee vasgemaakte vroue wie se monde toegeplak is.

’n Illustrasie van ’n vrou wat in ’n man se mond urineer.

Vasbinding/BDSM

• Vasbinding: tonele waar die akteurs op verskillende maniere vasgebind of ingeperk word.
• BDSM: vasbinding en dissipline, oorheersing en onderwerping, sadisme en masochisme. Sluit dominatrix-pornografie in, waar die dominante seksmaat ’n vrou is.
• Rowwe seks: soortgelyk aan sadomasochisme; bevat gewoonlik tonele waar ’n dominante seksmaat die ander een verneder terwyl hy/sy gewelddadig optree.
• Verkragting: akteurs boots ’n verkragting na. Verkragting self is feitlik oral onwettig.
• Pak gee (spanking of whipping): sluit in die slaan van een seksmaat met die hand of ’n ander voorwerp soos ’n belt, borsel of sweep.
• Facesitting: wanneer een maat op die ander se gesig sit, dikwels vir orale seks.
• Snuff: pornografie wat die dood van een seksmaat insluit, met of sonder hul toestemming. Gesimuleerde moord word nie as snuff beskou nie. Onwettig in baie lande; word soms as ’n mite of stadslegende beskou.
• Kielie; ’n akteur wat vasgebind of andersins ingeperk word, word gekielie.
• Bloed (ero guro of gore): ’n genre in veral Japannese pornografie wat bloed, verminking, geweld, urine of ontlasting insluit.

Liggaamsfunksies

• Menstrueel (of red rhapsody): bevat sekstonele met vroue wat menstrueer, dikwels met klem op die bloed.
• Ontlasting (scat): die een of ander vorm van ontlasting is betrokke; soms werklik, soms gesimuleer.
• Melk: vroue wat melk afskei, word gemelk of melk hulself.
• Watersports: seksuele aktiwiteit wat urinering insluit, onder meer golden showers.
• Emetofilie: pornografie wat vomering of verstikking insluit.
• Gesigjop (facial): waar die man op sy seksmaat se gesig ejakuleer.
• Swangerskap: waar die aktrise swanger is; kan melking insluit as ’n fetisj.
• Vroulike ejakulasie (squirt): pornografie waarin vroue ejakuleer.
• Spoeg: tonele wat spoeg insluit.
• Komskoot: waar die man ejakuleer.

Ander fetisje

• Sonder kondoom (bareback): waar die akteurs nie kondome dra nie.
• Bestialiteit: seks met diere. Bestialiteit en die kyk van hierdie soort porno is in baie lande onwettig.
• Stewels: mans of vroue dra stewels vir seksuele aantrekkingskrag; word soms gekombineer met BDSM.
• Bukkake: pornografie waarin verskeie mans op ’n ander akteur ejakuleer, gewoonlik op sy/haar gesig; kan ook vroulike ejakulasie behels.
• Geklee-en-nakend: óf die akteur óf die aktrise hou hul klere aan. In Engels bekend as CFNM (Clothed female, naked male) en CMNF (Clothed male, naked female).
• Semenuitsypeling (creampie), soms ook interne ejakulasie genoem: pornografie waarin die man in die vrou se vagina, mond of anus ejakuleer, gevolg deur die sigbare uitsypeling van die semen uit die spesifieke opening.
• Bedroë eggenoot (cuckold): pornografie waar ’n bedroë eggenoot toekyk terwyl sy vrou met ’n ander (gewoonlik aantrekliker) man seks het.
• Semenuitruiling (cum swapping of snowballing): pornografie waar akteurs of aktrises mondelings semen uitruil.
• Doeke: een van die akteurs dra ’n doek, terwyl die ander akteur die "oppasser" is.
• Dwerge: een of meer van die akteurs is dwerge.
• Voetfetisj: klem op een van die akteurs se voete; gaan dikwels gepaard met die lek, soen en genitale kontak met die voete.
• Felching: behels die drink of suig van pas geëjakuleerde semen uit die vagina of anus.
• Bevuisting (fisting): behels die druk van ’n hand of soms arm of voet in die vagina of anus.
• Vermensliking (antromorfie, yiff of furry fandom): die vermensliking van diere in ’n erotiese of seksuele verband.
• Bloedskande: seks tussen akteurs wat voorgee hulle is familie. Bloedskande self en die kyk van dié soort pornografie is in baie lande onwettig.
• Borsfetisj: ’n Akteur is obsessief oor ’n aktrise se tepels.
• Lolita (of lollipop): behels aktrises van 18 of effens ouer wat voorgee hulle is jonger en minderjarig; word in baie lande beskou as kinderpornografie.
• Skaamhare: ’n seksmaat speel met of masturbeer oor ’n vrou se lang skaamhare.
• Gesigspuntpornografie (point of view pornography of POV): die kamerahoek is van so ’n aard dat dit aan die kyker ’n beeld verskaf soos gesien vanuit die akteur se gesigspunt.
• Lateks/rubber: behels rubber, lateks en soortgelyke materiale.
• Rookfetisj: een van die akteurs rook sigarette, sigare of dagga.
• Nat voorkoms: die akteurs se klere is nat.
• Broekiekouse: vroue of mans wat broekiekouse, kleefbroeke of lang kouse dra.
• Hoëhakskoene: die akteur of aktrise dra hoëhakskoene.
• Sangleier (cheerleader): pornografie wat beelde van sangleiers insluit, werklik of voorgegee.
• Tronk/polisie: behels seks tussen mense wat in ’n tronk is of waar een ’n geregsdienaar is; kan verskeie soorte tonele insluit, soos fisieke visentering.
• Medies (dikwels dokter/verpleegster en pasiënt genoem): mediese situasies soos doktersondersoeke wat tot seks lei.
• Enema: behels akteurs wat mekaar enemas gee.
• Sonofilie: behels prikkeling deur seksgeluide of gille.
• Onderwyser-en-student of baas-en-sekretaresse: sekssituasies wat plaasvind tussen ’n gesagsfiguur en ’n ondergeskikte.
• Tentakel-erotika: die prikkeling deur kreature met tentakels (gewoonlik fiktiewe monsters) wat akteurs verkrag of andersins penetreer.
• Babaoppassers: gewoonlik jong meisies wat seks het met die pa van die kinders wat hulle oppas.
• Transseksuele: behels transseksuele akteurs, wat as mans gebore is en in die proses van geslagsverandering is; gewoonlik het hulle seks met mans, maar soms ook met vroue. Daar word dikwels neerhalend na hulle verwys as chicks with dicks, shemales of trannies; sluit in transmans, akteurs wat as vroue gebore is. Buck Angel is die bekendste akteur in diè genre.
• Transvestiete: pornografie met akteurs wat vir seksuele bevrediging fopdossers is of van fopdossers hou. Mans wat van fopdossers hou, in Engels bekend as tranny chasers, is nie noodwendig gay nie. Daarom vertoon sommige sekswinkels sulke pornografie in die straight afdeling.
• Hermafrodiete (of herm): pornografie met ’n akteur wat die geslagdele van albei geslagte het; dikwels hentai. Die algemeenste uitbeelding van ’n hermafrodiet in pornografie is ’n persoon met die voorkoms van ’n vrou, maar met ’n penis.

Seksuele oriëntasie

Op die stel van Lucas Entertainment se verfilming van die gay pornofliek Men of Israel, met die regisseur Michael Lucas.

Pornografie bevat toenemend ’n kombinasie van akteurs volgens hul seksuele oriëntasie, soos gay, lesbies of biseksueel.

Mans en vroue

• Heteroseksueel: die grootste deel van pornografie.

Mans en mans

• Gay pornografie beeld gewoonlik seks tussen mans uit en bevat meestal anale en/of orale seks. Soms is die mans nie in hul persoonlike lewe gay nie, maar gay-for-pay.
• Twinks: jonger akteurs, gewoonlik onder 30 en met ’n skoon geskeerde voorkoms, skraler en vrouliker as die hoofstroom- gay porno-akteurs.
• Bere (bears): ’n kombinasie van middeljarige, harige en oorgewig mans. Sluit ook cubs in: gewoonlik jonger, skraler weergawes van bere.

’n Yaoi-kunswerk.

• Yaoi: manlike gay hentai wat so ontwerp is dat mans en vroue hulle aantreklik vind.

Vroue en vroue

• Lesbiese pornografie: beeld vroue uit wat seks het. Dit is dikwels op ’n manlike gehoor gerig. Vroue wat daarby betrokke is, is geensins noodwendig lesbies nie.
• Yuri: ’n vroulike homoseksuele hentai.

Verskeie mans en vroue

• Biseksuele pornografie: met mans en vroue wat almal saam seks het. Die term dui gewoonlik op die man.
• Bukkake: verskeie mans, soms meer as 10, en een vrou is gewoonlik betrokke; die mans ejakuleer op die vrou se gesig of oor haar hele liggaam. Het in Japan ontstaan.
• Driespel (threesome, MFF of MMF): met drie akteurs, twee vroue en ’n man (MFF) of twee mans en ’n vrou (MMF). In die meeste gevalle het die mans nie met mekaar seks nie, in teenstelling met biseksuele pornografie.
• Groepseks (orgie of gang bang): gewoonlik wanneer ’n paar mans met een vrou seks het. Wanneer ’n paar vroue met een man seks het, word dit in Engels ’n reverse gang bang genoem. Daar kan ook ewe veel vroue en mans betrokke wees. Sluit swinging in, waar twee egpare seksmaats uitruil.

Werklikheid

• Amateurpornografie het aanvanklik net verwys na pornografie wat deur werklike amateurs vervaardig is. Dit sluit nou professionele pornografie in wat ontwerp is om te lyk of dit amateuragtig is. Pro-am-pornografie is ’n subgenre van amateurpornografie wat verwys na professionele porno met amateurakteurs, dikwels akteurs wat vir die eerste keer in ’n pornofliek verskyn.
• Sterseksvideo's (celebrity sex tapes): amateur- of professionele opnames van seksdade deur ’n bekende en sy/haar maat. Dit word dikwels op die internet uitgelek, met of sonder die bekende se toestemming. ’n Ster kan dit met opset laat uitlek ter wille van publisiteit.
• Ekshibisionisme: pornografie met akteurs wat hulle in die openbaar ontbloot; oorvleuel met openbare seks.

Mike Angelo en Jessie Volt skiet ’n gonzo-toneel.

• Gonzo-pornografie: behels dat ’n akteur die kameraman speel en die aksie verfilm terwyl hy seks het. Stem ooreen met gesigspuntpornografie.
• Upskirt en downblouse: die neem van foto's onder ’n vrou se rok in of bo by haar bloes in terwyl sy in die openbaar is.
• Versteekte kamera: pornografie wat lyk asof dit met ’n versteekte kamera geneem is sonder dat die persoon wat afgeneem is, daarvan geweet het. Hulle trek gewoonlik uit, stort of gaan toilet toe; óf tuis óf in ’n openbare plek. Sluit aan by voyeurisme.
• Loergat (glory hole): pornografie met mans en vroue wat orale of ander seks deur ’n loergat, soos in ’n toilet, het. Die mans wat die bevrediging ontvang, is gewoonlik ongeïdentifiseer. Dit vind dikwels plaas tussen twee mans en is gewild in gay pornografie.
• Wraakporno (revenge, hacked, leaked porn): word gewoonlik verspei sonder die medewete of toestemming van ’n persoon. As ’n paartjie byvoorbeeld seks het en die een seksmaat versprei die porno uit wraak nadat hulle opgebreek het, is dit revenge porn. Hacked porn of leaked porn verwys na materiaal wat ’n persoon vir privaat gebruik verfilm het, maar wat iemand wederrregtelik van sy/haar rekenaar verkry het.

Spesifieke seksdade

’n Voorstelling van Hadrianus wat in Egipte anale omgang met Antinous het deur die skilder Édouard-Henri Avril.

Anaal

• Anale pornografie: behels anale penetrasie met ’n penis, dildo of ander voorwerp, of soms ’n kombinasie daarvan.
• Anus-tot-mond (ook ATM of A2M): pornografie waarin die penis van ’n akteur gesuig word nadat dit in die anus van ’n ander akteur was. Soms is twee akteurs betrokke, maar soms meer as twee.
• Gaping: klem is op die ontvanger van anale seks se anus nadat die penis of dildo verwyder is. Soms ejakuleer die man in die gapende anus.
• Pegging: wanneer ’n vrou ’n man met ’n aangordpenis penetreer.
• Analingus (ook rimjob): wanneer die een akteur se anus gelek of andersins gemanipuleer word.

Ander seksdade

• Deep-throating: wanneer die penis diep in die seksmaat se keel ingeneem of gedruk word.
• Veelvuldige penetrasie (ook dubbele penetrasie of DP): die gelyktydige penetrasie van ’n vrou se anus en vagina. Dit sluit in dubbele anale of dubbele vaginale penetrasie, of die penetrasie van die anus, vagina en mond.
• Orale seks: bevat tonele waarin die man se penis of die vrou se vagina gelek of gesuig word.
• Masturbasie/solo: kan insluit wedersydse masturbasie, solo-masturbasie of selfsuiging.
• Insertion: die steek van verskeie voorwerpe in die anus, vagina of penisopening.

Ander kategorieë

• Tekenprentpornografie: illustrasies of geanimeerde seksuele situasies.
• Hentai: verskeie vorme van Japannese pornografie, hoewel die term nooit in Japannees in dié verband gebruik word nie, Die betekenis van hentai is "perfersie", "abnormaliteit" of "metamorfose". Yaoi is tekeninge wat gay mans uitbeeld, maar nie noodwendig pornografies nie. Yuri is die lesbiese weergawe.
• Interaktiewe pornografie: beskikbaar in CD-ROM- en DVD-formaat; laat die kyker toe om spesifieke dade uit te voer, soms met die kamera wat die eerstepersoonsgesigspunt verskaf.
• Antieke erotika: gewoonlik pornografie van voor die 1970's, veral swart-en-wit prente van voor die 20ste eeu.

Eksterne skakels

• Hierdie artikel is vertaal uit die Engelse Wikipedia