Portaal:Tale
Wikipedia-portale: Antieke Egipte · Biologie · Chemie · Fisika · Geografie · Geologie · Geskiedenis · Griekse mitologie · Katte · Krieket · Letterkunde · Musiek · Rugby · Rusland · Skryfstelsels · Sport · Sterrekunde · Tale · Turkye · Vlae en wapens
|
 Inleiding |
|
|
Willkommen, bienvenu, welcome . . .
Welkom op ons portaal oor tale. Die gebruik van taal is die menslike vermoë vir die aanleer van ingewikkelde stelsels van kommunikasie, en 'n taal is enige spesifieke voorbeeld van so 'n stelsel. Die wetenskaplike bestudering van taal word linguistiek of taalkunde genoem. Alle tale steun op die proses van semiotiek, om tekens in verband te bring met spesifieke betekenisse. Mondelinge en gebaretale bevat 'n fonologiese stelsel wat beheer hoe simbole gebruik word om reekse bekend as woorde of morfeme te vorm, asook 'n sintaktiese stelsel wat weer beheer hoe woorde en morfeme saamgevoeg word om uitdrukkings en sinsdele te vorm. | |
|
 Sterartikel |
|
 Russies (ру́сский язы́к, roesski jazik, [ˈruskʲɪj jɪˈzɨk] ) is een van die grootste tale ter wêreld. Dit behoort tot die Indo-Europese taalfamilie en binne dié taalfamilie tot die Slawiese tale. Russies, Oekraïens en Belarussies vorm die Oos-Slawiese taalgroep. Russies is verreweg die grootste en belangrikste Slawiese taal met meer as 160 miljoen moedertaalsprekers en meer as 110 miljoen wat Russies as tweede taal magtig is. Al het Russies sy bloeitydperk as literêre taal reeds in die 19de eeu beleef en val die periode van sy grootste uitbreiding as belangrikste amps-, vreemde en verkeerstaal in die Sowjetunie en die Oosbloklande, insluitende Kuba, in die 20ste eeu, speel die taal steeds 'n belangrike rol as die medium met die tweede grootste inhoud op die internet na Engels en as die tweede of derde mees gesproke taal in lande soos Duitsland en Israel waar groot getalle Russiessprekendes hulle gevestig het. As huistaal vir 881 723 Amerikaners (van wie 'n derde in die deelstaat New York woonagtig was) was Russies in 2009 volgens die Amerikaanse Sensusburo daarnaas een van die tien mees gebesigde tale in die Verenigde State. | |
|
 Skryfstelsels |
|
 ’n Skryfstelsel is ’n simboliese stelsel wat gebruik word om elemente weer te gee wat in ’n taal uitgedruk kan word. Skryfstelsels word van ander simboliese kommunikasiestelsels onderskei deur die feit dat die leser gewoonlik die spesifieke gesproke taal in ’n mate moet ken om die teks te kan verstaan. In teenstelling daarmee word kennis van ’n gesproke taal nie vereis by byvoorbeeld inligtingstekens, skilderye, kaarte en wiskunde nie. | |
|
 Sterfoto |
|
 Die Rosettasteen is 'n donker granietsteen wat in 1799 in Egipte ontdek is. Dit is 'n verordening wat dateer uit 196 v.C. van priesters van die dorp Memphis wat die lof besing van Ptolemeus V. Die teks is in twee tale, Egipties en Grieks, met die Egipties in twee tipes skrif, Egiptiese hiërogliewe en demotiese skrif. Die ontdekking van die Rosettasteen het dit moontlik gemaak om hiërogliewe te ontsyfer aangesien die teks in die drie weergawes weergegee is. | |
|
 Het jy geweet? |
|
| |
|
 Tale by die dosyne |
|
.svg){kind=logo} 'n Paar van die talle taalartikels op die Afrikaanse Wikipedia: Afrikaans • Amharies • Armeens • Basjkiers • Bulgaars • Chichewa • Duits • Esties • Frans • Gallies • Georgies • Grieks • Herero • Kantonees • Karatsjai-Balkaries • Kelties • Kroaties • Leponties • Maleis • Mandaryns • Moksja • Mongools • Nederlands • Nogai • Oekraïens • Pools • Russies • Serwies • Skots • Sweeds • Tsonga • Tswana • Vlaams • Wepsies • Xhosa • Zoeloe . . . Sien ook die Kategorie:Tale. | |
|
 Oenzerduits |
|
|
Oenzerduits (Unserdeutsch) is die enigste kreoolse taal in die wêreld wat op Duits geskoei is. Dit is 'n bedreigde minderheidstaal wat deur ongeveer 100 bejaardes gepraat word. Almal van hulle is van Papoea-Nieu-Guinee, maar die meeste woon tans in Australië. Terwyl die meeste kreoolse tale ontwikkel as handels- of kontaktale wat tussen die koloniseerders en die inheemse bevolkings gebruik word, het Oenzerduits 'n taamlik unieke geskiedenis. Dit het onder die leerlinge van 'n Duitstalige Katolieke sendingskool ontstaan en word deur hulle as 'n gemeenskapstaal gepraat. Die Oenzerduitse grammatika toon die invloed van Duits, Tok Pisin, Engels en die plaaslike Oseaniese tale. | |
