Portrush

in Wikipedia, die vrye ensiklopedie
Spring na: navigasie, soek
Portrush

Port Rois (Iers-Gaelies)
Uitsig oor Portrush
Uitsig oor Portrush
Ligging van Portrush op 'n kaart (Noord-Ierland)
Portrush
Portrush
Koördinate: 55°11′57″N 6°39′15″W / 55.19917°N 6.65417°W / 55.19917; -6.65417Koördinate: 55°11′57″N 6°39′15″W / 55.19917°N 6.65417°W / 55.19917; -6.65417
Land Vlag van Verenigde Koninkryk Verenigde Koninkryk
Land (VK) Noord-Ierland
County Antrim
Bevolking (2011)
 - Dorp 6 454
Tydsone MGT (UTC+00:00)
 - Somer (DST) BST (UTC+01:00)
Poskode BT56
Skakelkode(s) 028, +44 28
Webwerf: portrush.org.uk

Portrush (afgelei van Iers-Gaelies Port Rois, "hawe by die landpunt") is 'n stranddorp in die Noord-Ierse graafskap Antrim, digby die grens met die graafskap Londonderry en nie ver van Portstewart nie, 'n ander bekende see-oord, met 'n bevolking van 6 454 volgens die sensus van 2011.

Die grootste deel van Portrush se historiese dorpskern, insluitende die spoorwegstasie asook die meeste hotelle, restaurante en kroeë, is op die Ramore Head-landpunt geleë, 'n skiereiland wat oor 'n afstand van een myl in noord-noordoostelike rigting in die Atlantiese Oseaan uitsteek. Buite die toeristeseisoen dien Portrush hoofsaaklik as slaapstad vir die nabygeleë Coleraine-kampus van die Universiteit van Ulster.

Portrush staan veral bekend vir sy drie uitgestrekte sandstrande - West Strand, East Strand en White Rocks, asook die Koninklike Portrush-gholfklub (Royal Portrush Golf Club), die enigste Britse gholfklub buite die hoofeiland Groot-Brittanje wat as gasheer vir die Ope Kampioenskap opgetree het.