Prins Dmitri Romanof

in Wikipedia, die vrye ensiklopedie
Jump to navigation Jump to search
Prins Dmitri Romanof
’n Beeld van die betrokke persoonlikheid.
Prins Dmitri (middel) en sy vrou, Dorrit, by pres. Wladimir Poetin op ’n staatsonthaal.

Geboortenaam Dmitri Romanowitsj Romanof
Gebore (1926-05-17)17 Mei 1926
Cap d'Antibes, Frankryk
Oorlede 31 Desember 2016 (op 90)
Ouers Prins Roman Petrowitsj van Rusland en gravin Praskowia Sjeremetjewa
Titel Prins van Rusland
(Huis van Holstein-Gottorp-Romanof)
Beroep Bankier
Ander poste, ampte Filantroop, skrywer
Bekend vir Hoof van die Huis van Romanof (betwis)
Termyn in amp 15 September 2014 – 31 Desember 2016
Voorganger Prins Nikolaas Romanof
Opvolger Prins Andrei Romanof
Huweliksmaat Johanna von Kauffmann
Dorrit Rewentlof

Dmitri Romanowitsj Romanof (Russies: Дмитрий Романович Романов; 17 Mei 192631 Desember 2016)[1] was ’n afstammeling van Rusland se keiserhuis asook ’n bankier, filantroop en skrywer. Hy was ook ’n aanspraakmaker op die hoofskap van die keiserhuis.

Lewe[wysig | wysig bron]

Dmitri Romanof is op 17 Mei 1926 in Cap d'Antibes, Frankryk, gebore as die tweede oudste seun van prins Roman Petrowitsj van Rusland en gravin Praskowia Sjeremetjewa. Sy oudste broer was prins Nikolaas Romanof. Deur sy pa was hy ’n agter-agterkleinseun van tsaar Nikolaas I van Rusland, wat die Nikolajewitsji- en ander takke van die keiserlike familie gestig het.

Romanof het die eerste 10 jaar van sy lewe in Antibes deurgebring, waar hy ’n tradisionele Russiese opvoeding gehad het.[2] In 1936 het sy gesin na Italië verhuis waar hy sy opvoeding voortgesit het. In 1946 het sy gesin na Egipte verhuis waar hulle ’n paar jaar gewoon het voordat hulle na Italië teruggekeer het. In 1960 is hy na Denemarke, waar hy vir verskeie banke gewerk het tot met sy aftrede in 1993.[2] Hy kon vlot Russies, Frans, Engels, Deens en Italiaans praat.[2]

Huwelike[wysig | wysig bron]

Romanof was twee keer getroud: die eerste keer met Johanna von Kauffmann (1936–1989), en ná haar dood met Dorrit Rewentlof. Sy tweede troue, op 28 Julie 1993, was die eerste van ’n Romanof in Rusland sedert die val van die dinastie.[3]

Romanof is op 31 Desember 2016 in Denemarke oorlede. Hy is ’n week voor sy dood in die hospitaal opgeneem nadat sy gesondheid verswak het.[4]

Verwysings[wysig | wysig bron]

  1. John James (red.). Almanach de Gotha (2013 uitg.). BOYE6. p. 340. ISBN 978 0 9575198 24. 
  2. 2,0 2,1 2,2 "Prince Dimitri Romanovich Romanov". The Prince Dimitri Romanov Charity Fund. Besoek op 23 Julie 2008. 
  3. Raymond, Allan. "Russian Royal Family". Monarchies of Europe. Besoek op 23 Julie 2008. 
  4. "В Дании скончался старший в роду Романовых князь Димитрий Романович". ITAR-TASS. 

Eksterne skakels[wysig | wysig bron]