Prins Edward, Graaf van Wessex
| Prins Edward | |
|---|---|
| Die Graaf van Wessex | |
 Prins Edward in 2015
| |
| Volle naam | Edward Antony Richard Louis |
| Eggenote | Sophie, Gravin van Wessex |
| Kinders | Lady Louise Windsor James, burggraaf Severn |
| Titels | SKH die Graaf van Wessex SKH prins Edward |
| Huis | Windsor |
| Vader | Prins Philip |
| Moeder | Koningin Elizabeth |
| Gebore | 10 Maart 1964 Buckingham-paleis, Londen |
Prins Edward, die Graaf van Wessex (Edward Antony Richard Louis; gebore 10 Maart 1964) is die jongste seun van koningin Elizabeth en prins Philip. Met sy geboorte was hy die derde aanspraakmaker op die Britse troon, maar is tans die veertiende aanspraakmaker.
Hy het in 1986 ’n BA-graad behaal en het so slegs die vierde lid van die Britse koninklike familie geword wat ’n universiteitsgraad behaal.
Edward was betrokke by die teater en het in die laat 1980's vir twee teatermaatskappye gewerk, onder andere Andrew Lloyd Webber se Really Useful Group, waar hy deel was van produksies soos Phantom of the Opera, Starlight Express en Cats. Hy het daarna betrokke geraak by televisieproduksies, maar is daarvan beskuldig dat hy sy koninklike konneksies gebruik vir persoonlike gewin. Hy het hom daarna toegespits op sy openbare pligte. Hy het in die afgelope paar jaar baie van sy pa se rolle oorgeneem.
Edward is in 1999 getroud met Sophie Rhys-Jones. Hulle het twee kinders, lady Louise Windsor (Prinses Louise van Wessex) en James, burggraaf Severn (Prins James van Wessex).
Verwysings[wysig | wysig bron]
- Hierdie artikel is merendeels vertaal vanaf die Engelse Wikipedia-artikel en:Prince Edward, Earl of Wessex
Eksterne skakels[wysig | wysig bron]
Wikimedia Commons het meer media in die kategorie Prins Edward, Graaf van Wessex.- Royal.gov.uk – Die Graaf van Wessex
- Graaf van Wessex besoek Saskatchewan-regiment (2003) Geargiveer 25 Maart 2007 op Wayback Machine
