Prins Louis van Cambridge

in Wikipedia, die vrye ensiklopedie
Jump to navigation Jump to search
Prins Louis van Cambridge
Volle name Louis Arthur Charles
Huis Huis van Windsor
Vader Prins William, Hertog van Cambridge
Moeder Catherine, Hertogin van Cambridge
Gebore 23 April 2018 (2018-04-23) (1 jaar oud)
Londen, Engeland

Prins Louis van Cambridge (Louis Arthur Charles; * 23 April 2018 – ) is die jongste lid van die Britse koninklike familie. Hy is die derde oudste kind en tweede oudste seun van prins William, Hertog van Cambridge, en sy vrou, Catherine, Hertogin van Cambridge. Hy is die vyfde aanspraakmaker op die Britse troon.

Geboorte[wysig | wysig bron]

Die kanonsaluut in Hyde Park in Londen met die geboorte van prins Louis.

Kensington-paleis het op 4 September 2017 aangekondig dat die Hertog en Hertogin van Cambridge hul derde kind verwag.[1] ’n Seun is op 23 April 2018 gebore.[2][3] Hy is die eerste keer in die openbaar gesien sewe uur ná sy geboorte, buite die Lindovleuel van die St. Mary-hospitaal.[4] Op 27 April 2018 is sy naam aangekondig.[5] Sy eerste en laaste naam is onderskeidelik ter ere van sy verlangse oom lord Mountbatten en sy oupa die Prins van Wallis.[4]

Titel en opvolging[wysig | wysig bron]

Louis is van sy geboorte af ’n prins van die Verenigde Koninkryk met die aanspreekvorm Koninklike Hoogheid volgens ’n patentbrief van sy ouma koningin Elizabeth II op 31 Desember 2012 waarvolgens dié titel en aanspreekvorm gegee word aan alle kinders van die Prins van Wallis se oudste seun.[6] Sy titel is dus Sy Koninklike Hoogheid prins Louis van Cambridge.[4]

Prins Louis is die vyfde aanspraakmaker op die Britse troon ná sy oupa, pa en twee ouer sibbes, prins George en prinses Charlotte.[2] Ná die inwerkingstelling van die Perth-ooreenkoms, wat opvolging deur manlike eersgeboortereg met dié deur eersgeboortereg ongeag geslag vervang het, is hy die eerste Britse prins wie se suster ’n groter aanspraak op die troon het as hy.[7]

Verwysings[wysig | wysig bron]

  1. Duchess of Cambridge expecting third child. BBC News (4 September 2017). URL besoek op 23 April 2018.
  2. 2,0 2,1 Duchess gives birth to baby boy. BBC News (23 April 2018). URL besoek op 23 April 2018.
  3. The Duke and Duchess of Cambridge's third baby. Buckingham-paleis (23 April 2018). URL besoek op 23 April 2018.
  4. 4,0 4,1 4,2 Prince Louis Arthur Charles: New royal baby name announced by Duke and Duchess of Cambridge. The Telegraph (27 April 2018). URL besoek op 27 April 2018.
  5. Royal baby: Duke and Duchess of Cambridge name their baby son Louis. The Guardian (27 April 2018). URL besoek op 27 April 2018.
  6. London Gazette, uitg. 60384, 8 Januarie 2013, p. 213
  7. Royal baby: Duchess of Cambridge gives birth to new prince. BBC News (23 April 2018). URL besoek op 23 April 2018.

Eksterne skakels[wysig | wysig bron]