Privaatskool Moria
Privaatskool Moria in Outjo is die oudste Afrikaanse privaat skool in Namibië.
Die skool is by die ministerie van onderwys van Namibië geregistreer en het op 21 Januarie 1991 geopen, minder as 'n jaar nadat Namibië onafhanklik geword het en Afrikaans geleidelik as onderrigtaal uit die staatskool gefaseer is, buiten in die eerste drie grade.
Die skool se verklaarde doelstelling is om "Christelike onderrig aan leerlinge te bied, Afrikaans as onderrigmedium te gebruik en hoë akademiese standaarde te handhaaf". In 2013 het die skool 16 voltydse en twee deeltydse onderwysers gehad wat onderrig aan 222 leerders van gr. 1 tot 12 gebied het.
Eksterne skakels[wysig | wysig bron]
- Die skool se amptelike webtuiste Geargiveer 27 Desember 2019 op Wayback Machine