Projek Oorlog
Projek Oorlog is 'n VSA-verkiesingsdataprogram wat presidentskandidaat Ted Cruz tydens sy veldtog in die 2016 Republikeinse benoemingsverkiesing in die deelsaat Iowa gebruik het.
Datawetenskaplikes verbonde aan Ted Cruz se veldtog het die Afrikaanse woord “Oorlog” gebruik vir 'n dataprojek wat die veldtog ondersteun het. Die program is spesifiek ontwikkel vir die Republikeinse Iowa koukus verkiesings, waarvolgens die potensiële koukus deelnemers wat vir die toekomstige Republikeinse presidentskandidaat sou stem, geëvalueer kon word. Ingevolge die program word kiesers op grond van hul politieke ideologiese oortuigings, geloofoortuigings en persoonlikheid gemeet. Die plasing van potensiële koukus deelnemers in maklik identifiseerbare kategorieë, het die Cruz-span in staat gestel om gerigte boodskappe aan individuele kiesers te stuur. Die inpak van verkiesingsboodskape is sodoende verhoog tot voordeel van Cruz se veldtog. Terselfde tyd is byvoorbeeld ook ontdek dat die verbod op vuurwerke 'n vraagstuk is onder potensieële koukus deelnemers en Cruz het die vraagstuk by sy manifes gevoeg. Geen ander kandidaat het dit gedoen nie.
Ted Cruz het onverwags Donald Trump, die voorloper in peilings vir die Republikeinse presidentsbenoeming in Iowa op 2 Februarie 2016 gewen. Cruz het 28% van die Republikeinse stemme en Trump 24% op hom verenig.
Die datawetenskaplikes het op die naam Project Oorlog besluit nadat vertalings van die word “war” gegoogle is. Dié Afrikaanse vertaling het vir die span glo die beste gelyk.
Bronne[wysig | wysig bron]
- Sasha Issenberg, How Ted Cruz Engineered His Iowa Triumph. 2 Februarie 2016.
http://www.bloomberg.com/politics/articles/2016-02-02/how-ted-cruz-engineered-his-iowa-triumph
- Beeld, Afrikaanse kodewoord help Ted Cruz wen. Bladsy 11. 4 Februarie 2016