Breëbalk-vuurvis
| Breëbalk-vuurvis | |
|---|---|
 | |
| Breëbalk-vuurvis (Pterois antennata) | |
Wetenskaplike klassifikasie  | |
| Domein: | Eukaryota |
| Koninkryk: | Animalia |
| Filum: | Chordata |
| Klas: | Actinopterygii |
| Orde: | Scorpaeniformes |
| Familie: | Scorpaenidae |
| Genus: | Pterois |
| Spesie: | P. antennata |
| Binomiale naam | |
| Pterois antennata (Bloch, M.E., 1787) | |
Die breëbalk-vuurvis (Pterois antennata) is 'n visspesie wat in die Indies–Pasifiese area voorkom en aan die ooskus van Afrika vanaf Oman tot by Park Rynie aanwesig is. Die onvolwasse vissies is al in die Oos-Kaap opgemerk. In Engels staan dit as die antenna firefish bekend.
Voorkoms
[wysig | wysig bron]Die vis is rooierig van kleur met breë vertikale strepe oor die lyf en kop. Die dorsale vin bestaan uit 12 afsonderlike strale, waarvan die langste langer as die liggaam is. Die pektorale vinne het 16 – 17 lang strale terwyl daar tentakels bokant die oë groei, wat aan die antennes van insekte herinner. Die vis word 20 cm lank. Daar is ook gifbuise in die dorsale-, anale- en bekkenvinne.
Habitat en gewoontes
[wysig | wysig bron]Die vis verkies rotsriwwe waar hy in grotte en skeure skuil van rotsbodems wat vlakker as 50 m geleë is. Die vis is 'n roofvis. Die spesie kan in 'n akwarium aangehou word, maar moet versigtig hanteer word. Dit ontgroei 'n klein akwarium vinnig.
Sien ook
[wysig | wysig bron]Bron
[wysig | wysig bron]- Coastal Fishes of Southern Africa. Phil & Elaine Heemstra. 2004. ISBN 1-920033-01-7
