Pylos (helm)

in Wikipedia, die vrye ensiklopedie
Pylos-helm

Die Pylos was 'n Oud-Griekse helm [1] wat veral gewild was in die Peloponnesos. Die helm was goedkoop en is in groot hoeveelhede geproduseer en vasgemaak met 'n leerkenband. Soos die meeste Griekse helms is ook die Pylos van brons gemaak. Die naam Pylos is afkomstig van die Griekse woord vir vilt. Hierdie helm het immers dieselfde vorm as die gelyknamige vilthoed.[2]

Die Spartaanse hopliete het aanvanklik die swaarder Korintiese helm gebruik. Hierdie helm het die gesig beskerm, maar sig en gehoor beperk. In die middel van die 5de eeu v.C. het die Spartane hul gevegstegnieke gewysig: weens die toenemende belang van trompetseine tydens die stryd was die Korintiese helm nie meer prakties nie en is die eenvoudiger pylos in gebruik geneem. Die oorspronklike viltpylos is waarskynlik ook deur die soldate gebruik.

Die pyloshelm is deur ander Griekse state gekopieer en ook in Kartago en Masedonië gebruik.

Verwysings[wysig | wysig bron]

  1. Nicholas Sekunda: Macedonian Armies after Alexander 323–168 BC. Osprey Publishing, ISBN 1-78200-322-3, S. 64. (Auszug bei Google Books)
  2. Nic Fields: Carthaginian Warrior 264-146 BC. Osprey Publishing, 2010, ISBN 978-1-84603-958-4, S. 40. (Auszug bei Google Books); Pamela A. Webb: Hellenistic Architectural Sculpture: Figural Motifs in Western Anatolia and the Aegean Islands. University of Wisconsin Press, 1996, ISBN 0-299-14980-3, S. 58. (Auszug bei Google Books)


Hierdie artikel is in sy geheel of gedeeltelik vanuit die Nederlandse Wikipedia vertaal.