Rømmegrøt

in Wikipedia, die vrye ensiklopedie
Jump to navigation Jump to search
Rømmegrøt met gesmelte botter, kaneel en suiker

Rømmegrøt is 'n tradisionele Noorse papgereg met suurroom, melk en koringmeel as sy basiese bestanddele. Rømmegrøt is oorspronklik in ysterpotte gekook en by spesiale geleenthede soos byvoorbeeld die geboorte van 'n kind, huwelike, hooimaak of die Midsomerfees bedien.

Terwyl die suurroom kook, word die bottervet afgeskep en meel en melk ingeroer. Die pap word saam met die afgeskepte bottervet, kaneel en suiker en dikwels ook rooi sap bedien en kan warm of koud geniet word.

Die verskillende streke van Noorweë het dikwels hul eie metodes vir rømmegrøt. In Vestland word griesmeel gebruik, terwyl in Orkdal minder room en meer meel bygevoeg word. Volgens die resepte van Aulestad word slagroom, rysgriesmeel en suurmelk (of kefir) as die belangrikste bestanddele bygevoeg.