R58 (Suid-Afrika)

in Wikipedia, die vrye ensiklopedie
(Aangestuur vanaf R58 (Oos-Kaap))

Provinsiale roete R58 shield

Provinsiale roete R58
Roete-inligting
Onderhou deur NKDPOW en OKDPOW
Lengte413 km (257 mi)
Belangrike aansluitings
Wespunt N1 in Colesberg
  N6 in Aliwal-Noord
R56 in Elliot
Oospunt R61 in Ngcobo
Ligging
StedeColesberg
Burgersdorp
Aliwal-Noord
Lady Grey
Barkly-Oos
Elliot
Ngcobo
Snelwegstelsel
Genommerde roetes in Suid-Afrika
R57R59
Uitsig op Aliwal-Noord vanuit die weste op die R58

Die R58 is een van die Noord- en Oos-Kaap se provinsiale paaie in Suid-Afrika. Dit begin by die N1 in Colesberg in die Noord-Kaap, kruis die N6 deur Aliwal-Noord, en gaan voort tot waar dit by die R56 aansluit in Elliot. [1]

Roete[wysig | wysig bron]

Dorpe op die roete van die R58 sluit Colesberg, Norvalspont, Venterstad, Burgersdorp, Aliwal-Noord, Lady Grey, Barkly-Oos en Elliot in.

Die R58 begin in Colesberg, Noord-Kaap by 'n wisselaar met die N1 Nasionale roete, die R369-streeksroete en die R717-streeksroete. Dit strek ooswaarts vir 77 kilometer, deur Norvalspont, en kruis in die Oos-Kaap, verby die Gariepdam, na die dorp Venterstad.

Vanaf Venterstad gaan die R58 oos-suid-oos vir 58 kilometer na die dorpie Burgersdorp, waar dit die R391-streeksroete ontmoet. Dit draai na die noordooste en gaan vir 56 kilometer na die dorp Aliwal-Noord, waar dit as Greystraat ingaan en die N6 Nasionale Roete ontmoet. Die R58 en die N6 loop suidwaarts saam vir 120 meter tot by die Youngstraat-kruising, waar die R58 sy eie pad ooswaarts word.

Vanaf Aliwal-Noord gaan die R58 ooswaarts vir 54 kilometer, steek die Kraairivier oor, na die dorpie Lady Grey en ontmoet die R392-streekroete net voor die dorp. Hulle word een pad verby Lady Grey vir 26 kilometer suidwaarts, voordat die R392 sy eie pad suidwaarts word terwyl die R58 na die suidooste draai. Dit gaan vir nog 39 kilometer suidoos, en steek die Kraairivier 'n laaste keer oor, na die dorpie Barkly-Oos. Net voor Barkly-Oos ontmoet dit die R396-streekroete en hulle is een pad ooswaarts die dorp in voordat hulle in die middedorp verdeel.

Vanaf Barkly-Oos gaan die R58 suid-suid-oos vir 62 kilometer na die dorp Elliot (voorheen Khowa). Dit kruis die Barklypas en sluit by die R56-pad in die middedorp aan. Hulle is een pad suidwes vir 8 kilometer voor die R58 sy eie pad suidwaarts word. Na 5 kilometer ontmoet die R58 die noordelike terminus van die R410-streekroete (Calapas) en die R58 word die pad na die suidooste vanaf hierdie aansluiting. Dit gaan vir 40 kilometer om sy einde te bereik by 'n aansluiting met die R61-provinsiale pad in die dorp Ngcobo.

Sien ook[wysig | wysig bron]

Verwysings[wysig | wysig bron]

  1. (en) Falkner, John (1 Mei 2012). "Suid-Afrikaanse genommerde roetebeskrywing en bestemmingsontleding". Nasionale Departement van Vervoer. p. 63. Geargiveer vanaf die oorspronklike op 6 Junie 2014. Besoek op 1 September 2014.