Pretoria FM

in Wikipedia, die vrye ensiklopedie
(Aangestuur vanaf Radio Pretoria)
Spring na: navigasie, soek
The kenteken van Pretoria FM

Pretoria FM, die voormalige Radio Pretoria, is 'n gemeenskap-gebaseerde radiostasie in Pretoria[1]. Hulle saai 24 uur per dag op 104.2 FM uit. Pretoria FM is beskikbaar oor die hele wêreld deur middel van internet-uitsendings wat op hul webwerf beskikbaar is. In Suid-Afrika beskik die Radio oor ’n aantal FM uitsaai-torings wat die grootste deel van Gauteng, Limpopo, Noordwes, Mpumalanga en die noorde van Kwazulu-Natal dek en bereik nagenoeg 2 miljoen Afrikaanssprekendes verder word duisende luisteraars bereik deur middel van satellietskottel ontvangs.[2] Die Radio gebruik Standaardafrikaans as voertaal en bied ’n groot verskeidenheid programme aan wat reeds alombekend geword het.


Geskiedenis[wysig | wysig bron]

Ontstaan[wysig | wysig bron]

Gedurende September 1993 is die radiostasie as Radio Pretoria gestig en ontvang sy uitsaailisensie wat slegs vir drie dae geldig sou wees. Die radio is deur die hoofstroommedia beskryf as ’n "regse" radiostasie. Sommige oud-omroepers van die SAUK het hulle gewig ingegooi en het die radio se stryd om voortbestaan begin.

In 1995 ontvang die Radio sy eerste eenjaarlisensie, wat die daaropvolgende twee jaar hernu is. In 1999 word Radio Pretoria se eerste aansoek om ’n vierjaarlisensie afgekeur en moes die stasie talle hofsake begin om sy uitsaairegte te beskerm. Meer as agt jaar lank sou hierdie stryd duur om uiteindelik in 2007 gewen te word in die Bloemfonteinse Appèlhof waar vyf regters eenparig beslis het dat die redes vir afkeuring, verwerp word.

Die hof beslis dat die aansoek hersien word, dat die Uitsaaiowerheid die hofkoste moes betaal en dat al die redes vir die afkeuring van die aansoek ongegrond is.

Radio Pretoria het, te midde van hierdie lang uitgerekte stryd in die howe wat etlike miljoene rand beloop het, tog daarin geslaag om intussen te groei en die standaard van sy uitsendings en programme tot ’n besondere hoë peil te bring. Van die mees bekende omroepers het hulle dienste gratis aangebied in daardie eerste jare van sy bestaan.

Aan die einde van 2008 het die Radio reeds meer as veertig permanente personeel in diens gehad, terwyl sowat vyftig medewerkers hul dienste gratis aanbied. Op 16 Desember 2008 het meer as 82 000 mense in die buiteland ingeskakel op die Geloftedag-uitsendings van Radio Pretoria.

Samesmelting en Naamsverandering[wysig | wysig bron]

Radio Pretoria het op 20 Julie 2015 saam met ander radiostasies: Radio Drakensberg, Radio Dagbreek, Radio Magaliesberg, Radio Tafelkop, Radio Naboom, Radio Kransberg, Radio Ysterberg, Radio Wolkberg saamgesmelt en het onder een, nuwe handelsnaam, Pretoria FM begin uitsaai en vorm sodoende die grootste Afrikaanse gemeenskapsradiodiens in Suid-Afrika. Die bekendstelling het by die Atterburyteater in Pretoria plaasgevind[2].


Verwysings[wysig | wysig bron]

  1. www.pretoriafm.co.za
  2. 2,0 2,1 maroelamedia.co.za - Splinternuwe Afrikaanse gemeenskapsradio bekend gestel