Rand Light Infantry
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
| Rand Light Infantry | |
|---|---|
| Land | Suid-Afrika |
| Weermagdeel | Suid-Afrikaanse Nasionale Weermag |
| Tipe | Reserwe infanterie |
| Veldslae | Eerste Wêreldoorlog
|
Die Rand Light Infantry is 'n reserwemagregiment in die Suid-Afrikaanse Infanteriekorps van die Suid-Afrikaanse Leër, met hoofkwartier in Johannesburg. Dit bestaan sedert 1905 en het 'n geskiedenis wat aktiewe deelname aan die Eerste Wêreldoorlog, die Tweede Wêreldoorlog, die Grensoorlog, en die Noodtoestand insluit. Die regiment het verskeie gevegsonderskeidings verwerf, en oor die jare is baie lede met dekorasies vereer.
Geskiedenis (Chronologie)[wysig | wysig bron]
1900's
- Die regiment word in 1905 gestig as die 'Transvaal Cycle & Motor Corps' - dis 'n vrywilligereenheid.
1910's
- Ingelyf by die burgermag van die nuwe Unie Verdedigingsmagte in 1913 as die '11de Infanterie (Rand Light Infantry)' - diensplig bly vrywillig.
- Duits-Suidwes-Afrika-veldtog (1914-15) - aktiewe diens in Suidwes-Afrika.
1920's
- Rand-opstand (1922) - aktiewe diens ter onderdrukking van die mynwerkers se gewapende opstand.
1930's
- Naam verander na 'Rand Light Infantry' in 1932.
1940's
- Noord-Afrika-veldtog (1941-42): die slag van Bardia, die besetting van die Gazala-linie, die verdediging van El Alamein, en die klimaktiese slag van El Alamein.
- Ingelyf by die Duke of Edinburgh's Own Rifles van 1943 tot 1945.
- Prinses Margaret van die Verenigde Koninkryk aangestel as die opperkolonel.
1950's
- Die vrywillige diensstelsel eindig in 1952 - vanaf 1952 tot 1967 word burgers vir diensplig geloot.
1960's
- Vanaf 1968 tot 1993 is burgermagdiens verpligtend ("nasionale diensplig").
1970's
- Grensoorlog - verskeie operasionele diensbeurte in noordelike Suidwes-Afrika en suidelike Angola.
1980's
- Noodtoestand (1985-90) - verskeie keer vir binnelandse veiligheidsdienste opgeroep.
1990's
- Sedert 1994 is militêre diens weer vrywillig.
- Toe die burgermag na 1994 in die reserwemag omskep is word die RLI 'n reserwemageenheid.
2000's
- Die regiment vier sy eeufees in 2005.
Gevegsonderskeidings[wysig | wysig bron]
- South West Africa 1914-15
- Western Desert 1941-43; Bardia; Gazala; Alamein Defence; El Alamein.
Verwysings[wysig | wysig bron]
- Simpson, B.G. (1965) Rand Light Infantry.