Gaan na inhoud

Red Bull

in Wikipedia, die vrye ensiklopedie
’n 250 ml blikkie Red Bull.

Red Bull is 'n energiedrankie wat deur die Oostenrykse maatskappy Red Bull GmbH geskep en besit word. Met 'n markaandeel van 43% is dit die gewildste energiedrankhandelsmerk sedert 2020,[1] en die derde waardevolste koeldrankhandelsmerk, na Coca-Cola en Pepsi.[2] Sedert sy bekendstelling in 1987 is meer as 100 miljard blikkies Red Bull wêreldwyd verkoop, insluitend meer as 12,6 miljard in 2024.[3][4]

Oorsprong

[wysig | wysig bron]

Oorspronklik was dit slegs beskikbaar in 'n enkele onbeskrewe geur wat verkoop is in 'n lang, skraal silwer-en-blou blikkie, genaamd "Red Bull Energy Drink", maar die drankie het met verloop van tyd talle variante bygekry. Sy slagspreuk, "Red Bull gee jou vlerke",[5] word beskou as een van die gewildste en onvergeetlikste advertensieslagspreuke ter wêreld.[6] Eerder as om 'n tradisionele bemarkingsbenadering te volg, het Red Bull bewustheid gegenereer en 'n "handelsmerkmite" geskep deur sy eie ekstreme sportbyeenkomsreekse soos Red Bull Cliff Diving World Series, Red Bull Air Race, Red Bull Crashed Ice en uitstaande toertjies soos die Stratos-ruimteduikprojek te loods.[7][8][9] Seker die wêreldbekendste "borgskap" is Red Bull se eienaarskap van die Red Bull Racing-span in Formule Een, met Max Verstappen wat reeds die afgelope vier jaar die wêreldbestuurderskampioen is. Benewens sportreekse sluit die bemarking daarvan verskeie sportspaneienaarskappe in; celebrity-endossemente; en musiek, deur sy Red Bull Records-etiket.[10]

Naam van produk

[wysig | wysig bron]

Die naam Red Bull is afgelei van 'n soortgelyke drankie genaamd Krating Daeng wat in Thailand ontstaan ​​het en deur die apteker Chaleo Yoovidhya bekendgestel is. Terwyl hy in Thailand sake gedoen het, het die Oostenrykse entrepreneur Dietrich Mateschitz 'n blikkie Krating Daeng gekoop en daarna beweer dat dit sy vlugvoosheid genees het. Mateschitz het probeer om 'n vennootskap met Yoovidhya te bewerkstellig en het 'n produk geformuleer wat by die smaak van Westerlinge sou pas, soos deur die drankie met gas te karboniseer.[11] In 1984 het die twee entrepeneurs Red Bull GmbH in Fuschl am See, Salzburg, Oostenryk, gestig.[12] Toe Mateschitz hul nuwe produk merk, het Mateschitz na Krating Daeng se naam verwys: in Thai beteken daeng rooi, en 'n krating (bekend in Engels en Nederlands as 'n gaur) is 'n groot spesie wildebees wat inheems aan die Indiese subkontinent is. Red Bull en Krating Daeng gebruik dieselfde rooi bul op 'n geel son-logo terwyl hulle voortgaan om hul drankies afsonderlik in die Thaise en Westerse markte te bemark.

Verwysings

[wysig | wysig bron]
  1. ↑ "Energy Drink Market Share". www.t4.ai (in Engels). Geargiveer vanaf die oorspronklike op 22 April 2023. Besoek op 22 April 2023.
  2. ↑ beveragedaily.com (20 Augustus 2021). "Always Coca-Cola: Coca-Cola tops soft drinks brand rankings". beveragedaily.com (in Engels (VK)). Besoek op 20 Januarie 2023.
  3. ↑ "Is Red Bull Energy Drink safe?". www.redbull.com (in Engels). Geargiveer vanaf die oorspronklike op 2 Januarie 2022. Besoek op 2 Januarie 2022.
  4. ↑ Eder, Marton (23 Januarie 2025). "Red Bull Touts Record Profit in 2024 With Growth Slowing". Bloomberg.
  5. ↑ "What is the slogan of Red Bull?". www.redbull.com (in Engels). Geargiveer vanaf die oorspronklike op 24 Maart 2022. Besoek op 24 Maart 2022.
  6. ↑ "Red Bull Marketing Strategy: How They Make The Difference?". Digital Agency Network. Besoek op 2 November 2023. The slogan "Red Bull Gives You Wings" is one of the most iconic slogans in the world.
  7. ↑ Kuehlwein, JP; Chaefer, Wolf (Spring 2017). "How modern prestige brands create meaning through mission and myth". Journal of Brand Strategy. 5 (4). doi:10.69554/JZWD9402.2045-855X
  8. ↑ Kuehlwein, JP (Desember 2015). "Ueber-Brands and The Art of Myth-Making". Geargiveer vanaf die oorspronklike op 2 Augustus 2017.
  9. ↑ Schaefer, Wolf; Kuehlwein, JP (2015). Rethinking Prestige Branding – Secrets of the Ueber-Brands. Kogan Page. p. 77ff. ISBN 9780749470036.
  10. ↑ Lauria, Peter (1 April 2008). "Pump the Music: Red Bull Eyes Starting Branded Music Label — NYPost.com". New York Post. Geargiveer vanaf die oorspronklike op 30 Januarie 2013.101013 NYPost.com
  11. ↑ Roll, Martin (17 Oktober 2005). Asian Brand Strategy: How Asia Builds Strong Brands. Springer. p. 199. ISBN 9780230513068. Geargiveer vanaf die oorspronklike op 10 Junie 2016. Besoek op 24 September 2012.
  12. ↑ "Red Bull GMBH – Company Profile and News". www.bloomberg.com. Geargiveer vanaf die oorspronklike op 13 Junie 2020. Besoek op 8 Maart 2022.
Ontsluit van "https://af.wikipedia.org/w/index.php?title=Red_Bull&oldid=2748658"