Redelike man

in Wikipedia, die vrye ensiklopedie
Jump to navigation Jump to search

In terme van die wet is 'n redelike man 'n hipotetiese persoon wat deur die howe vervaardig word om te help om aangeklaagdes te oordeel.

Wanneer 'n persoon in 'n hof aangekla word, word die vraag gevra of die redelike man of die deursnit burger dieselfde sou doen in die aangeklaagde se omstandighede. Dit word ook die redelikemantoets genoem.

Om 'n voorbeeld te noem: Veronderstel persoon A werk by 'n fabriek, hy maak 'n fout en dit lei tot iemand se dood, dan sal die redelikemantoets gedoen word deur te vra: sou die redelike man of deursnit werker of deursnit kollega van persoon A dieselfde as persoon A gedoen het in die omstandighede of was persoon A nalatig of roekeloos?

In Engeland het die term "The man on the Clapham omnibus" ontstaan. 'n "Omnibus" of "horse-bus" of "horse-drawn omnibus" is 'n bus wat deur 'n perd of perde getrek word. Dit is dus 'n groot perdekar. Die man op die Clapham-perdekar verwys dus na die deursnit landsburger.