Reichenbachtal

Reichenbachtal gesien vanaf die Grosse Scheideggpas, met 'n uitsig op die Engelhörner

Reichenbachtal by Rosenlaui, met 'n uitsig oor Wetterhorn en Rosenlaui-gletser

Klein & Gross Simelistock, Engelhörner-Mittelgruppe & Engelhörner-Westgruppe – Tannenspitze, Rosenlauistock & Sattelspitzen

Reichenbachtal is 'n Alpe-vallei in Oberhasli, kanton Bern, Switserland. Dit is in die munisipaliteit van Schattenhalb geleë en dit verbind Meiringen met die Grosse Scheidegg-pas in die rigting van Grindelwald. Sy water, die Rychenbach, word die Reichenbach-waterval alvorens dit by Meiringen by die Aare aansluit.

Rosenlaui is die hoogste nedersetting in die vallei, ongeveer halfpad na bo geleë, op 1 328 m bo seespieël. Die vallei staan ook bekend as Rosenlautal vernoem na die nedersetting. Rosenlaui-hotel is een van die oudste hotelle in die streek, wat getuig van die vroeë oplewing van toerisme in Switserland in die middel van die 19de eeu.

Aan die oostekant van die vallei styg die Wetterhorn (3 692 m), die Engelhörner (2 782 m), die Wellhorn (3 191 m), langs die Rosenlaui-gletser. Oos van die vallei is daar ook die Rosenlouwi-kloof, 'n diep en smal kloof wat gevorm word deur die smeltwater van die Rosenlaui-gletser, wat toeganklik is met 'n 500 m-voetpad.

Verder op in die vallei lê Schwarzwaldalp, wat die einde van die openbare gedeelte van die pad oor die pas van die Grosse Scheidegg aandui. Die pad verder word deur 'n PostBus Switserland -diens oor die pas na Grindelwald gebruik. Busdienste werk tussen Mei en Oktober, met vier of meer busse per dag, afhangende van die tyd van die jaar.

Eksterne skakels

• Wikimedia Commons het meer media in die kategorie Reichenbachtal.
• http://www.rosenlaui.ch/ (hotel homepage)
• http://www.rosenlauischlucht.ch/ (Rosenlaui Glacier homepage)
• geoimage.ch