Renaud Capuçon

in Wikipedia, die vrye ensiklopedie
Renaud Capuçon
Gebore27 Januarie 1976 (1976-01-27) (48 jaar oud)
Frankryk
GenresKlassiek
InstrumenteViool

Renaud Capuçon (gebore op 27 Januarie 1976) is 'n Franse klassieke violis. Hy gee sedert die einde van 2016 klas by die RNCM.

Biografie[wysig | wysig bron]

Capuçon is op 27 Januarie 1976 in Chambéry gebore. Hy het op 4-jarige ouderdom by die konservatorium in sy geboortedorp ingeskryf. Hy het hierna op die ouderdom van 14 jaar by die Paryse Konservatoria (Frans: Conservatoire national supérieur de musique et de danse de Paris (CNSMDP)) ingeskryf waar hy onder Gérard Poulet studeer het. Hy het drie jaar later sy studies by die Konservatoria voltooi, en in die proses eerste prys gewen in beide kamermusiek en viool.

Hy het hierna aan verskeie internasionale kompetisies deelgeneem en aangesluit by die Jeugorkes van die Europese Unie; en by die Gustav Mahler Jeugorkes as eerste viool onder die leiding van Claudio Abbado.

Hy het gelyklopend hiermee sy loopbaan as solis en kamermusikant van stapel gestuur en saam met musikante soos Nicholas Angelich, Jérôme Ducros, Frank Braley, Hélène Grimaud en Gérard Caussé, sowel as sy jonger broer, die tjellis Gautier, gespeel.

In 1996 het hy 'n jaarlikse fees by La Ravoire naby Chambéry, die Rencontres artistiques de Bel-Air gestig, welke in 2010 ten einde geloop het. Sommige van die mees belangrikste kamermusikante is uitgenooi daarna, insluitende Jean-Pierre Wallez, Michel Dalberto, Martha Argerich, Stephen Kovasewitsj, Augustin Dumay, Gérard Caussé, die klarinettis Paul Meyer, Emmanuel Pahud en die duetpaar Katia en Marielle Labèque.

In 2013 het hy 'n Paas-fees in Aix-en-Provence begin.[1]

Hy het die kamermusiek van Ravel, Schubert, Brahms, sowel as die concertos vir viool deur Schumann en Mendelssohn onder leiding van Daniel Harding opgeneem.

Nadat hy 'n Vuillaume, 'n Guadagnini, en toe 'n Stradivarius bespeel het, het die Banque de Suisse Italienne BSI 'n Guarnerius, die "Panette" van 1737 wat aan Isaac Stern behoort het, aan hom geleen.[1]

Hy het verskeie pryse gewen, insluitende in 1992 die eerste prys in kamermusiek en in 1993 in viool tydens die CNSMD de Paris. In 1995 het hy ook die prys van die Berlynse Akademie der Künste (Akademie van Kunste) gewen. In 2000 was hy gekies as die nuwe talent van die jaar deur Victoires de la musique classique, wat in 2005 die titel van "instrumentale solois van die jaar" aan hom toegeken het.[1] In 2006 het hy ook die Georges Enescu prys vir viool van die Société des auteurs, compositeurs et éditeurs de musique ontvang.

Hy het op 25 Mei 2009 deelgeneem aan die rolprent 7.57 am-pm wat deur Simon Lelouch geregisseer is, en waarin hy die Melodie van Orfeus deur Gluck op sy Guarnerius in die middel van 'n skare pendelaars op Lyn 6 van die Paryse Métro speel. Die skare was skaars bewus van hom gewees.[2]

In Junie 2011 het die Franse regering hom as 'n Chevalier van die Franse Nasionale Orde van Verdienstelikheid benoem.[3]

Hy het ook saam met kontemporêre komponiste soos Nicolas Bacri (solo vioolsonate, 1999), Karol Beffa (duet vir viool en tjello Masques, concerto vir viool, strykkwartet Mosaïques), Pascal Dusapin (concerto vir viool - Aufgang), Bruno Mantovani (concerto vir viool - Jeux d'eau, 2012) en Wolfgang Rihm (concerto vir viool - Gedicht des Malers, 2015) gewerk.[1]

Op 4 Januarie 2019, het hy 'n konsert gedurende die Winter at Tantora Festival musiekkarnaval by Al-Ula, 'n UNESCO Wêrelderfenisgebied in noord-wes Saudi Arabië, aangebied.[4][5]

Diskografie[wysig | wysig bron]

  • Franz Schubert: Grand duo, Rondo brillant, Fantaisie. Met Jérôme Ducros. CD Virgin Classics, 1999
  • ’Le Bœuf sur le toit’, French pieces for violin and orchestra by Saint-Saëns, Massenet, Ravel, Berlioz, Milhaud. Met die Deutsche Kammerphilharmonie, Bremen en Daniel Harding. Virgin Classics, 2001
  • Henri Dutilleux: Concerto pour violon L’arbre des songes. Met die Orchestre Philharmonique de Radio France and Myung-Whun Chung. Virgin Classics, 2002
  • Maurice Ravel : Trio avec piano, Sonate pour violon et piano, Sonate pour violon et violoncelle, ‘Sonate posthume’. Met sy broer Gautier Capuçon, Frank Braley. Virgin Classics, 2002
  • ’Face à face’, Duos for violin and cello by Kodály, Schulhoff, Haendel, Tanguy…. Met Gautier Capuçon. Virgin Classics, 2003
  • Ludwig van Beethoven: Triple concerto for violin, cello and piano. Met Martha Argerich, Mischa Maiski, Orchestra della Svizzera Italiana, Alexandre Rabinovitch. EMI Classics, 2004
  • Johannes Brahms: The Trios for piano, violin and cello. Met Gautier Capuçon, Nicholas Angelich. 2CD Virgin Classics, 2004
  • Felix Mendelssohn: Concerto for violon n°2, Schumann: Concerto for violin. Met die Mahler Kamerorkes en Daniel Harding. Virgin Classics, 2004
  • Camille Saint-Saëns: The Carnival of the Animals, Septet, Fantaisie for violin et harp. Met Emmanuel Pahud, Gautier Capuçon, die klarinettis Paul Meyer, Esther Hoppe, Michel Dalberto, Frank Braley, Béatrice Muthelet, David Guerrier, Janne Saksala, Florent Jodelet, Marie-Pierre Langlamet. Virgin Classics, 2004
  • Franz Schubert: Quintet for piano and strings The Trout, Variations on ‘Trockne Blumen’. Met Gautier Capuçon, Gérard Caussé, Aloïs Posch, Frank Braley. CD Virgin Classics, 2004
  • Johannes Brahms : The Sonatas for violin and piano, Scherzo from the Sonata FAE. Met Nicholas Angelich. Virgin Classics, 2005
  • ’Inventions’, Duos for violin and cello by Bach, Eisler, Karol Beffa, Bartók, Klein, Kreisle... Met Gautier Capuçon. Virgin Classics, 2006
  • Johannes Brahms: Double concerto for violin and cello, Quintet for clarinet and strings. Met Gautier Capuçon, Gustav Mahler Jeugorkes, Myung-Whun Chung, Paul Meyer en die Capuçon-kwartet. Virgin Classics, 2007
  • Franz Schubert : Trios for piano, violin and cello, Sonatensatz, Notturno. Met Gautier Capuçon, Frank Braley. 2CD Virgin Classics, 2007
  • Johannes Brahms: Quartet for piano and strings. Met Gautier Capuçon, Gérard Caussé, Nicholas Angelich. 2CD Virgin Classics, 2008
  • ’Capricio’, 21 virtuoso pieces for violin. Met Jérôme Ducros. Virgin Classics, 2008
  • Ludwig van Beethoven en Erich Korngold: Concertos for violin. Met die l’Orchestre Philharmonique de Rotterdam en Yannick Nézet-Séguin. Virgin Classics, 2009
  • Wolfgang Amadeus Mozart: Concertos for violon 1 and 3, Symphonie concertante. Met Antoine Tamestit, die Skotse Kamerorkes en Louis Langrée. Virgin Classics, 2009
  • Ludwig van Beethoven: Sonatas for violin and piano. Met Frank Braley. 3CD Virgin Classics, 2011
  • Gabriel Fauré: Chamber music for instruments with strings and piano. Met Gautier Capuçon, Gérard Caussé, die Quatuor Ebène, Nicholas Angelich, Michel Dalberto. 5CD Virgin Classics, 2011
  • Johannes Brahms en Alban Berg: Concertos for violin. Met die Weense Filharmoniese Orkes en Daniel Harding. CD Virgin Classics, 2012
  • Karol Beffa: Le Roi qui n'aimait pas la musique. Met Edgar Moreau, Paul Meyer en Karol Beffa. Boek-CD Galliamrd jeunesse, 2017

Verwysings[wysig | wysig bron]

  1. 1,0 1,1 1,2 1,3 Rencontre: Renaud Capuçon. Diapason No.652, Desember 2016, bl38-41.
  2. 7.57 am-pm op IMDb
  3. "Renaud Capuçon : Le mari de Laurence Ferrari épinglé". purepeople.com (in Frans). 28 Junie 2011. Geargiveer vanaf die oorspronklike op 2 Januarie 2020. Besoek op 9 Februarie 2013.
  4. "Melodious Ula-tide in Winter at Tantora". Saudigazette (in Engels). 20 Januarie 2019. Geargiveer vanaf die oorspronklike op 28 Oktober 2019. Besoek op 5 Februarie 2019.
  5. "French violinist Renaud Capucon dazzles Saudi Arabia". gulfnews.com (in Engels). Geargiveer vanaf die oorspronklike op 2 Januarie 2020. Besoek op 5 Februarie 2019.

Eksterne skakels[wysig | wysig bron]