Renier van Rooyen
Renier van Rooyen (28 November 1931 − 5 November 2018) was 'n Suid-Afrikaanse entrepreneur en die stigter van Pep Stores. Hy is op Kenhardt gebore.
Hy het as 'n klerk by die Departement van Justisie gewerk voor hy sy eerste Pep-winkel in Upington geopen het. Hy bou die winkel uit tot die bekende Pepkor-groep wat hy in 1981 aan Christo Wiese verkoop. Op daardie stadium het Pepkor oor 500 winkels en tien fabrieke beskik en 10 000 werknemers in diens gehad.
Hy sterf op 5 November 2018 in sy huis en laat sy vrou Alice, twee seuns Renier jr, Johann, 'n dogter Salóme en minstens vier kleinkinders agter.